జిల్లా రీమేక్ లో వెంకీ రానా

Posted: 03/26/2015 05:57 PM IST

తమిళం స్టార్ హీరో విజయ్, మలయాళ సూపర్ స్టార్ మోహన్ లాల్ ప్రధాన పాత్రలలో నటించిన తమిళ బ్లాక్ బస్టర్ హిట్ మూవీ ‘జిల్లా’. తమిళంలో విడుదలై భారీ విజయాన్ని సొంతం చేసుకోవడమే కాకుండా, భారీ కలెక్షన్లను వసూలు చేసింది. అయితే ఈ చిత్రాన్ని తెలుగులో రీమేక్ చేయబోతున్నట్లుగా గతకొద్ది కాలంగా వార్తలొస్తున్న విషయం తెలిసిందే.

తమిళ ‘జిల్లా’ చిత్రాన్ని తెలుగులో రీమేక్ చేయడానికి ప్రయత్నాలు జరుగుతున్నాయనే విషయం తెలిసిందే. ఈ రీమేక్ లో ప్రముఖ అగ్ర నటులు విక్టరీ వెంకటేష్ మరియు మాస్ మహారాజ్ రవితేజలు నటించబోతున్నట్లుగా వార్తలొచ్చాయి. ఆ తర్వాత ఈ చిత్ర రీమేక్ లోనే నందమూరి బాలకృష్ణ, కళ్యాణ్ రామ్ లు నటించబోతున్నట్లుగా వార్తలొచ్చాయి. కానీ తాజాగా మరో జోడి పేరు వినిపిస్తోంది.

ఈ రీమేక్ లో వెంకటేష్ మరియు రానాలు నటించనున్నట్లుగా వార్తలొస్తున్నాయి. ఈ రీమేక్ ప్రాజెక్టులో నటించడానికి వెంకటేష్ గ్రీన్ సిగ్నల్ ఇచ్చినట్లుగా తెలిసింది. అలాగే వెంకీ బాబాయ్ తో కలిసి ఓ సినిమా చేయాలని రానా కూడా గతకొద్ది కాలంగా మంచి కథ కోసం ఎదురుచూస్తున్నట్లుగా పలు ఇంటర్వ్యూలలో చెప్పుకొచ్చాడు. అందుకే ఈ రీమేక్ లో నటించడానికి వెంకీ, రానాలు గ్రీన్ సిగ్నల్ ఇచ్చినట్లుగా తెలిసింది. త్వరలోనే అన్ని వివరాలు అధికారికంగా తెలియనున్నాయి.