ఏప్రిల్ 23న అనుష్క రుద్రమదేవి విడుదల

Posted: 03/26/2015 01:01 PM IST

‘రుద్రమదేవి’ ట్రైలర్ ఇటీవలే విడుదలై మంచి పాజిటివ్ టాక్ ను సొంతం చేసుకుంది. అనుష్క, రానా, అల్లు అర్జున్ ప్రధాన పాత్రలలో నటించిన ‘రుద్రమదేవి’ చిత్రం విడుదలకు సిద్ధమవుతోంది. ప్రముఖ దర్శకుడు గుణశేఖర్ స్వీయ దర్శక నిర్మాణంలో తెరకెక్కిన ఈ చిత్రానికి ఇళయరాజా సంగీతం అందించారు.

ఇటీవలే ఈ చిత్ర ఆడియోను వరంగల్ మరియు విశాఖపట్నంలలో ఘనంగా, భారీ ఎత్తున ప్రజల సమక్షంలో విడుదల చేసిన విషయం తెలిసిందే. ఈ ఆడియోకు మంచి స్పందన వస్తోంది. భారీ బడ్జెట్ తో తెరకెక్కిన ఈ చిత్రంలో అనుష్క, రానా, అల్లు అర్జున్ లతో పాటు కృష్ణం రాజు, నిత్య మీనన్, కేథరిన్, హంసా నందిని, ప్రకాష్ రాజ్ తదితరులు ముఖ్య పాత్రల్లో నటించారు.

ప్రస్తుతం పోస్ట్ ప్రొడక్షన్ పనులు శరవేగంగా జరుగుతున్నాయి. త్వరగా అన్ని కార్యక్రమాలు పూర్తి చేసుకొని ఈ చిత్రాన్ని ఏప్రిల్ 23న ప్రపంచ వ్యాప్తంగా విడుదల చేయడానికి చిత్ర యూనిట్ సన్నాహాలు చేస్తున్నారు. త్వరలోనే అన్ని వివరాలు అధికారికంగా ప్రకటించనున్నారు.