మాటివి చేతిలో సన్నాఫ్ సత్యమూర్తి

Posted: 03/03/2015 11:02 AM IST

Maa tv bags son of sathyamurthy satellite rights

త్రివిక్రమ్ శ్రీనివాస్ దర్శకత్వంలో అల్లు అర్జున్ హీరోగా తెరకెక్కుతున్న తాజా చిత్రం ‘సన్నాఫ్ సత్యమూర్తి’. హారిక అండ్ హాసిని క్రియేషన్స్ బ్యానర్లో ఎస్.రాధాకృష్ణ ఈ చిత్రాన్ని భారీ స్థాయిలో నిర్మిస్తున్నారు. దేవిశ్రీప్రసాద్ సంగీతం అందిస్తున్నాడు. ఇటీవలే బన్నీ ఓ భారీ యాక్షన్ సీన్ చిత్రీకరణలో పాల్గొన్నాడు.

ప్రస్తుతం ఈ చిత్ర షూటింగ్ స్పెయిన్ లో శరవేగంగా జరుగుతోంది. ఈ షెడ్యూల్ తో ఒక్క పాట షూటింగ్ మిన‌హ షూటింగ్ మెత్తం పూర్తవుతుంది. ఈ సినిమాలో బన్నీ సరసన నిత్యామీనన్, ఆదాశర్మ, సమంత హీరోయిన్లుగా నటిస్తున్నారు. కన్నడ స్టార్ హీరో ఉపేంద్ర, నటి స్నేహ కీలక పాత్రలలో నటిస్తున్నారు.

తాజా సమాచారం ప్రకారం ఈ చిత్ర శాటిలైట్ రైట్స్ భారీ ధరకు అమ్ముడుపోయినట్లుగా తెలిసింది. ప్రముఖ టీవి ఛానెల్ ‘స్టార్ మా’(మాటివి) ‘సన్నాఫ్ సత్యమూర్తి’ శాటిలైట్ హక్కులను భారీ రేటు చెల్లించి సొంతం చేసుకున్నట్లుగా సమాచారం. ఈ సినిమాకు సంబంధించిన ఎలాంటి స్టిల్, పోస్టర్, ఫస్ట్ లుక్, ట్రైలర్, సాంగ్స్ విడుదల కాకముందే... ఇంత భారీ మొత్తంలో ఈ చిత్ర శాటిలైట్ రైట్స్ అమ్ముడుపోవడం పట్ల చిత్ర యూనిట్ చాలా సంతోషంగా వున్నారని తెలిసింది.

కమర్షియల్ ఫ్యామిలీ యాక్షన్ ఎంటర్ టైనర్ గా రూపొందుతున్న ఈ చిత్రంలో రాజేంద్రప్రసాద్, సింధు తులాని, వెన్నెల కిషోర్, బ్రహ్మానందం, రావ్ రమేష్, ఎం.ఎస్.నారాయణ తదితరులు నటిస్తున్నారు. ఈ చిత్ర ఆడియోను మార్చి 8న విడుదల చేసి, ఏప్రిల్ 2న సినిమాను విడుదల చేయడానికి సన్నాహాలు చేస్తున్నారు. త్వరలోనే అన్ని వివరాలు అధికారికంగా ప్రకటించనున్నారు.