ప్రభుదేవా డైరెక్షన్.. కమల్ యాక్షన్..?

Posted: 03/02/2015 04:40 PM IST

ఇండియన్ మైఖేల్ జాక్సన్ గా పేరొందిన ప్రభుదేవా.. గతకొన్నాళ్ల నుంచి బాలీవుడ్ లో రీమేక్ చిత్రాలను తెరకెక్కిస్తూ టాప్ డైరెక్టర్ గా మారిపోయాడు. అక్కడ చిన్నాపెద్దా అని తేడాలేకుండా బడాహీరోలతోనూ మూవీలను తీస్తున్నాడు. అయితే.. దక్షిణాదిన అతను తెరకెక్కించిన సినిమాలు మాత్రం చాలా తక్కువే! తెలుగు, తమిళంలో ఇతనికి ఆఫర్లు రాని నేపథ్యంలో బాలీవుడ్ కే పరిమితమయ్యాడు. అయితే.. ఇప్పుడు అతను గ్రాండ్ గా దక్షిణాది పరిశ్రమలో ఎంట్రీ ఇవ్వనున్నట్లుగా వార్తలు వస్తున్నాయి.

కోలీవుడ్ నుంచి వస్తున్న వార్తలప్రకారం.. త్వరలోనే ప్రభుదేవా తన తదుపరి సినిమా లోకనాయకుడు కమల్ హాసన్ తో చేయనున్నాడు. వీరిద్దరితో కలిసి సినిమా తీసేందుకు ప్రముఖ ప్రొడక్షన్ వాసన్ విజువల్ వెంచర్స్ వారు చర్చలు జరుపుతున్నట్లుగా వార్తలొస్తున్నాయి. కమల్ హాసన్ ఈ మూవీ స్ర్కిప్ట్ ని ఓకే చేస్తే.. త్వరలోనే సెట్స్ పైకి వెళ్లనుందని యూనిట్ వర్గాలంటున్నాయి. త్వరలోనే ఇందుకు సంబంధించిన మరిన్ని వివరాలు వెల్లడి కానున్నాయి.

ఇదిలావుండగా.. ప్రభుదేవా తెరెకెక్కించిన చివరి సినిమా ‘యాక్షన్ జాక్సన్’ భారీ పరాజయాన్ని చవిచూసింది. దీంతో నిరాశకు గురైన దేవా.. ఓ భారీ సినిమాను తెరెక్కించాలని నిర్ణయించుకున్నాడట! ఈ నేపథ్యంలోనే విజువల్ వెంచర్స్ సంస్థ ఇతనితో చర్చలు జరిపి, కమల్ తో మూవీ చేసేందుకు ప్లాన్ చేసినట్లు తెలుస్తోంది.

అయితే.. ప్రస్తుతం ‘‘ఉత్తమ విలన్, విశ్వరూపం 2’’ సినిమా పోస్ట్ ప్రొడక్షన్ వర్క్ లో బిజీగా వున్న కమల్ హాసన్.. ప్రభుదేవా డైరెక్షన్ లో నటించేందుకు గ్రీన్ సిగ్నల్ ఇస్తాడో..? లేదో..? వేచి చూడాల్సిందే! ఒకవేళ కమల్ ఓకే అంటే.. ప్రభుదేవా పంట పండినట్లే!

AS