రుద్రమదేవి తమిళ హక్కులు అమ్మకం

Posted: 03/02/2015 01:00 PM IST

Gunashekhar rudhramadevi movie tamil rights sold out

రుద్రమదేవి జీవితకథా ఆధారంగా గుణశేఖర్ దర్శకత్వంలో అనుష్క ప్రధాన పాత్రలో తెరకెక్కుతున్న తాజా చిత్రం ‘రుద్రమదేవి’. ఈ చారిత్రాత్మక సినిమా షూటింగ్ ఇటీవలే పూర్తి చేసుకొని, ప్రస్తుతం పోస్ట్ ప్రొడక్షన్ దశలో వుంది. అనుష్క, రానాలు ప్రధాన పాత్రలలో నటించారు.

ఇందులో అల్లు అర్జున్ ‘గోన గన్నారెడ్డి’ పాత్రలో నటించాడు. ఇప్పటికే విడుదలైన మేకింగ్ వీడియోలకు భారీ స్పందన వచ్చింది. తాజాగా ఈ చిత్ర థియేటర్ ట్రైలర్ ప్రీమియర్ షో ద్వారా విడుదల చేసారు. ఈ ట్రైలర్ ను నేడు (మార్చి2, 2015) సాయంత్రం 6 గంటలకు సోషల్ మీడియా ద్వారా విడుదల చేయనున్నారు.

తెలుగులో ఇంకా విడుదల కానీ ఈ చిత్రం హక్కుల కోసం భారీ డిమాండ్ ఏర్పడింది. ఈ చిత్ర తమిళ హక్కులు భారీ రేటుకు అమ్ముడుపోయినట్లుగా తెలిసింది. తెనందాల్ ఫిల్మ్స్ వారు రుద్రమదేవి 3డి తమిళ రైట్స్ ని సుమారు 10 కోట్ల రూపాయలకి సొంతం చేసుకున్నట్లుగా తెలిసింది.

తమిళంలో అనుష్కకు భారీ క్రేజ్ వున్న విషయం తెలిసిందే. అలాగే రానా కు కూడా తమిళంలో మంచి క్రేజ్ వుంది. వీరితో పాటుగా పలు తమిళ నటీనటులు ఈ సినిమాలో నటించడంతో ఈ సినిమా తమిళంలో కూడా భారీ విజయం సాధించే సూచనలు కనిపిస్తున్నాయి. అందుకే తమిళ హక్కులు భారీ రేటుకు అమ్ముడుపోయాయి.

భారీ బడ్జెట్ తో ప్రతిష్టాత్మకంగా రూపొందుతున్న ఈ చిత్రంలో అనుష్క, రానా, అల్లు అర్జున్ లతో పాటు కృష్ణం రాజు, నిత్య మీనన్, కేథరిన్, హంసా నందిని, ప్రకాష్ రాజ్ వంటి తదితర భారీ తారాగణం ఈ సినిమాలోని ముఖ్య పాత్రల్లో నటించారు. మాస్ట్రో ఇళయరాజా సంగీతం అందించిన పాటలు త్వరలోనే విడుదల కానున్నాయి. త్వరలోనే మరిన్ని వివరాలు తెలియనున్నాయి.