‘పందెం కోడి’ సీక్వెల్ షూటింగ్ కి సర్వం సిద్ధం..!

Posted: 02/26/2015 12:59 PM IST

గతంలో విశాల్ హీరోగా లింగుస్వామి దర్శకత్వంలో తెరకెక్కిన ‘పందెం కోడి’ చిత్రం తెలుగు, తమిళ భాషల్లో ఘనవిజయం సాధించిన విషయం తెలిసిందే! ఇప్పుడు ఈ సినిమాకు సీక్వెల్ రెడి అవుతోంది. నిజానికి ఈ సీక్వెల్ మూవీని ముందుగానే మొదలుపెట్టాలని భావించినప్పటికీ.. అప్పుడు లింగుస్వామి ఇతర చిత్రాలతో బిజీగా వుండటంతో డేట్స్ కుదరలేదు. దీంతో విశాల్ కూడా వేరే చిత్రాలతో బిజీ అయిపోయాడు. ఇప్పుడు వీలు కుదరడంతో ఈ సీక్వెల్ ను తెరకెక్కించే పనిలో నిమగ్నమైనట్లు తెలుస్తోంది.

ఇప్పటికే దర్శకుడు లింగుస్వామి ‘పందెం కోడి’ సీక్వెల్ స్క్రిప్ట్ వర్క్ కంప్లీట్ చేశారని సమాచారం! గతసినిమా కంటే ఈ మూవీ స్ర్కిప్ట్ చాలా పవర్ ఫుల్ గా వుండటంతో విశాల్ కూడా వెంటనే ఓకే చెశాడు. యాక్షన్ ఎంటర్టైనర్ గా తెరకెక్కుతున్న ఈ సినిమా రెగ్యులర్ షూటింగ్ మే 1వ తేదీ నుండి మొదలవుతుందని సమాచారం. ప్రస్తుతం ప్రీప్రొడక్షణ్ కార్యకమాలు జరుపుకుంటున్న ఈ చిత్రంలో హీరోయిన్ ఇంకా ఖరారు కాలేదు. త్వరలోనే హీరోయిన్ ను ఎంపిక చేసి.. షెడ్యూల్ ప్రకారం షూటింగ్ స్టార్ట్ చేయడానికి సన్నాహాలు చేయనున్నట్లు యూనిట్ వర్గాలు తెలుపుతున్నాయి.

AS