నయనకు సినిమా‘కష్టం’.. పబ్లిక్ గా బీరు కొని..

Posted: 01/27/2015 05:15 PM IST

దక్షిణాది బ్యూటీ క్వీన్, నటి నయనతారకు సినిమా కష్టం వచ్చిపడింది. అప్పుడెప్పుడో వెంకటేష్ హీరోగా నటించిన చిత్రం మల్లీశ్వరిలో ముదిరిపోతున్నా.. పెళ్లి కాని హీరో పెళ్లి కోసం నానా కష్టాలు పడి చివరకు మిర్జాపుర్ యువరాణిని కట్టుకోవడంతో సిపిమాకు క్లైమాక్స్ చేరి ముగిసింది. కాని ఇక్కడ నయనతారను పెళ్లి పేరు చెప్పి నటుడు, దర్శకుడు అమె జీవితాన్ని నడిసంద్రంలో వదిలేయడంతో.. అమె కష్టాలలో పడింది. తన సినిమా కష్టం నుంచి మర్చిపోయేందుకు బీరు తాగడం కూడా అలావాటు చేసుకుంది.

కేంద్ర పాలిత ప్రాంతమైన పాండిచెర్రిలోని ఓ వైన్‌షాపులో బీరు కొంటూ రెడ్ హ్యాండెడ్‌గా పట్టుబడింది. కామ్‌గా ఎక్కడినుంచో ఆ షాపు ముందుకొచ్చి తనకు నచ్చిన బీరు కొనుక్కుంది. పట్టపగలు.. అందరూ చూస్తుండగా నయన ఇలా ఆల్కహాలు కొనడమేమిటి..? తన డిప్రెషన్ పోగొట్టుకోవడానికి ఇలా ఆల్కహాలు బారినపడిందా.. అయినా తన అసిస్టెంట్లను ఎవరినైనా పంపించి తెప్పించుకోవచ్చుగా.. అలా కాకుండా ఏకంగా అమె మద్యం దుకాణానికి వచ్చి మధ్యం కొనుగోలు చేయడం ఎందుకు అంటూ అని ఆమె అభిమానులు తెగ వర్రీ అయిపోయారు. కొందరు షాక్ కి కూడా గురయ్యారు.

నెట్‌వర్కింగ్ సైట్లలో ఇది చూసి వాళ్ల ఆశ్చర్యానికి అంతులేకపోయింది. అయితే ఇదంతా నిజమని నమ్మేరు. అసలు కాదు నిజానికి నయనకు సినిమా కష్టం వచ్చింది. ఆమె తాజాగా నటిస్తున్న ‘నానుమ్ రౌడీధాన్’ అనే తమిళ చిత్రంలోని ఓ సన్నివేశానికి సంబంధించిన సీన్ ఇది! విజయ్ సేతుపతి హీరోగా నటిస్తున్న ఈ మూవీని నటుడు, ప్రొడ్యూసర్ కూడా అయిన ధనుష్ ఈ చిత్రాన్ని నిర్మిస్తున్నాడు. ఆ సినిమాలో ఇలా నయన బీరు కొనుక్కోవడానికి వస్తుందన్నమాట! నయనతార బీరు కొంటున్న వీడియో యూ ట్యూబ్‌లో హల్ చల్ చేస్తోంది. కొంతమంది ఈ వీడియోను పదే పదే చూసి, ఎంజాయ్ చేస్తున్నారు. ఈ నేపథ్యంలో తన క్యారెక్టర్ ఎక్కడ అపవిత్రం అవుతుందోనన్న ఆందోళనను నయన వ్యక్తం చేయగా, సినిమా యూనిట్ యదార్థాన్ని రివీల్ చేసింది.

జి. మనోహర్