స్వాతి కాదనుకుంటే.. ఆమెను వరించిందట!

Posted: 01/27/2015 03:25 PM IST

Colors swathi reddy anchor anasuya nagarjuna soggade chinni nayana movie

కలర్స్ స్వాతి తీసుకున్న నిర్ణయం మరొకరికి ఎంతో హెల్ప్ అయింది. అందివచ్చిన అవకాశాన్ని స్వాతి తిరస్కరించడంతో అది ఓ హాట్ యాంకర్’కు లభించింది. ఆ హాట్ యాంకర్ మరెవ్వరో కాదు.. బుల్లితెరపై తన సెక్సీ మాయాజాలాన్ని పరిచేసిన అనసూయ! నాగ్ సరసన నటించే పాత్ర ముందుగా స్వాతికి రాగా.. ఆమె దాన్ని తిరస్కరించేసింది. దాంతో ఆ అవకాశం ఈ హాట్ యాంకర్’కు లభించింది.

కల్యాణ్ కృష్ణ దర్శకత్వంలో నాగార్జున హీరోగా ‘సోగ్గాడే చిన్ని నాయన’ అనే చిత్రం రూపొందబోతున్న విషయం తెలిసిందే! ఇందులో నాగ్ తాత, మనవడు పాత్రల్లో డ్యూయెల్ రోల్ చేస్తున్నాడు. తాత పాత్ర పక్కన రమ్యక్రిష్ణ నటిస్తుండగా.. మనవడి పాత్రకు స్వాతిని ఎంపిక చేసుకున్నారు. అప్పట్లో ఆమెకు చేయాలని వుండటంతో ఓకే కూడా చెప్పేసింది. అంతా అనుకున్నట్లుగా కార్యక్రమాలు మొదలయ్యాయి. కానీ.. ఇంతలోనే స్వాతి ఆ పాత్ర నుంచి తప్పించుకుంది.

ఎందుకంటే.. ఇప్పటికే తమిళం, మలయాళంలో రెండు చిత్రాలతో ఈ అమ్మడు బిజీగా వుండటంతో నాగ్ సరసన నటించేందుకు డేట్స్ కుదరలేదు. దీంతో యూనిట్ బృందానికి సారీ అని చెప్పి తప్పుకుందట. దీంతో ఆ అవకాశం హాట్ యాంకర్ అనసూయకు వరించింది. నాగ్ సరసన అనసూయ మరదలి పాత్రలో నటించనుందని.. అతనితో చిలిపచేష్టలు చేయడంతోపాటు డ్యూయెట్ కూడా చేయనుందని ఇదివరకే వార్తలు వచ్చిన విషయం విదితమే!