చూపిస్తే ఏమవుతుందో...? ఇంతకీ ఉందా, లేదా?

Posted: 12/19/2014 03:37 PM IST

‘ఆడపిల్ల సిగ్గుపడితే అందం. అదే మగాడు సిగ్గు పడితే చెండాలం’. కాని ఇప్పుడు సీన్ రివర్స్ అవుతోంది. హీరోయిన్లు అంతా ఎక్స్ పోజింగ్ ఎక్స్ ప్రెస్ ఎక్కేసి అందాలప్రదర్శనకు ఆరాట పడుతుంటే హీరోలు మాత్రం కనీసం షర్టు బటన్ తీయాలంటే కూడా ‘సీ పాడు నాకు సిగ్గేస్తోంది అంటున్నారు’. టాలీవుడ్ సూపర్ స్టార్ గా పిలుచుకునే ప్రిన్స్ మహేష్ బాబు కు మొహమాటం చాలా ఉందని తెలుసు. ఏవైనా కార్యక్రమాలు అయినా కూడా బాబు మాట్లాడేది తక్కువే. అలాంటాయన్ను బట్టలు విప్పెయ్ అంటే ఇంకేమైనా ఉంటుందా.., అందుకే ఎంత ఒత్తిడి చేసినా షర్టు బటన్స్ తీసేందుకు ససేమిరా అంటున్నాడట.

హీరోలంతా సిక్స్ ప్యాక్ లు పెంచి ఎక్స్ పోజ్ చేస్తుంటే.., వీరికి కాంపిటిషన్ కావాలని మహేష్ కూడా కండపట్టించాడు. ‘1నేనొక్కడినే’ సినిమా కోసం బాగా కష్టపడగా.., కండలు చూపిస్తాడని ఆయన ఫ్యాన్స్ ఆశించారు. అయితే ఏదో చూపి ఇంకేదో నాకించినట్లుగా.., ఊరించి ఉసూరుమన్పించాడు. దీంతో బాడీ షో చూద్దామని వచ్చినవారంతా సినిమాలో ఏం లేదు, కనీసం సీన్ కూడా లేదు  అనుకుని బయటకు వెళ్ళిపోయారు. అయితే ఈ సారి అలా జరగకూడదని కొరటాల శివ చాలా కష్టపడ్డాడు.

లేటెస్ట్ మూవీ ‘శ్రీమంతుడు’ (ఇంకా పేరు కన్ఫర్మ్ చేయలేదు’ సినిమాలో ఉన్న హైలైట్ యాక్షన్ సీన్ కు సిక్స్ ప్యాక్ చూపాలి అని కొరటాల కోరాడట. ఎంత బ్రతిమాలినా.., చూపించటానికి మాత్రం ఒప్పుకోలేదట. దీంతో తనకు మహేష్ ప్యాక్ చూసే అదృష్టం లేదనుకుని అలాగే కానచ్చేశాడని తెలుస్తోంది. ఇలా కండలు పెంచానని చెప్పుకుంటూ చూపించటానికి ఇబ్బంది పడితే.., నిజంగా ఉన్నాయా, లేక అబద్దమా అని అనుమానాలు వస్తాయి. ఇవి రాకముందే క్లియర్ చేసుకుంటే మంచింది అని ఫ్యాన్స్ అంటున్నారు. మహేష్ కనీసం ఫ్యాన్స్ మాటయినా వింటాడా లేక.., నిండు చంద్రుడు ఒకవైపు చుక్కలు ఒకవైపు అంటాడా తెలియాలి.