కొత్త ప్రియతో యవ్వారమట..! ఎన్నాళ్ళు నాయనా...?

Posted: 12/12/2014 11:01 AM IST

హ్యాపిడేస్ హీరో వరుణ్ సందేశ్ కొత్త బంగారు లోకాలు బాగానే చూస్తున్నాడు. ఒక లోకంలో బోర్ కొడితే.., ఏమైంది ఈ వేళ అనుకుంటూ మరో లోకంలోకి జంప్ అవుతున్నాడు. సినిమాలతో పాటు డేటింగ్ లో బిజీగా ఉన్న ఈ హీరో ప్రస్తుతం కొత్త అమ్మాయితో కలిసి తిరుగుతున్నట్లు తెగ పుకార్లు వస్తున్నాయి. సినిమా షూటింగుల పనిమీదనో.., లేక ఇంకేదో కార్యక్రమం కోసమో హీరోయిన్ తో కలిసి అప్పుడప్పుడూ బయట కన్పించాడట. ఇంకేముంది డేటింగ్ పార్ట్ 2 షురూ అంటూ పుకార్లు వచ్చేస్తున్నాయి.

ఫిలింనగర్ లో జరుగుతున్న ప్రచారం ప్రకారం.., వరుణ్ బాబు హీరోయిన్ హరి ప్రియతో ప్రేమాయణం సాగిస్తున్నాడట. ఇద్దరూ కలిసి తిరుగుతుండటంతో ఇదే నిజమని అనుకుంటున్నారంతా. ‘అబ్బాయి క్లాస్ అమ్మాయి మాస్’ సెట్స్ పై వీరిద్దరి చూపులు కలిసి, క్రష్ పుట్టడంతో వర్షం సాక్షిగా అనుబంధం కొనసాగిస్తున్నారని అనుకుంటున్నారు. అటు వరుణ్ తన సినిమాలకు హరి ప్రియను హీరోయన్ గా తీసుకోవాలని డైరెక్టర్, నిర్మాతలకు సూచిస్తున్నాడట. ఈ సాఫ్ట్ కార్నర్ కు పేరు పెట్టుకోని సంబంధమే కారణమని కొందరు అంటుంటే.. కాదు హరికి తెలుగులో చాన్సులు ఇప్పించే మంచితనం అని సందేశం సన్నిహితులు అంటున్నారు.

ఈ పుకారు నిజమా.. అబద్దమా కన్ఫర్మ్ కాకముందే... ఎన్నాళ్లుంటుంది బాబూ ఈ బంధం అని ప్రశ్నలు వస్తున్నాయి. ఎందుకంటే గతంలో వరుణ్ ఆర్య2 హీరోయిన్ తో డేటింగ్ చేశాడు. ఈ విషయాన్ని శ్రద్ధా దాస్ స్వయంగా ప్రకటించింది. కాని కొద్ది కాలం క్రితమే డేటింగ్ బంధానికి ఎక్స్ పైరీ డేట్ వచ్చింది. మళ్ళీ గ్యాప్ తీసుకుని కొత్త కొంగు పట్టుకున్నాడు. అందుకే ఇది ఎన్ని రోజులు అని ప్రశ్నలు వస్తున్నాయి. ప్రస్తుతానికి తెలుగులో హరిప్రియకు అమ్మడికి ఎక్కువగా ఆఫర్లు లేవు. ‘అత్తారింటికి దారేది’ కన్నడ రీమేక్ లో ఈమె నటిస్తోంది.

కార్తిక్