నిమ్మకూరు అంటే భయపడుతున్న ఎన్టీఆర్

Posted: 11/26/2014 12:40 PM IST

కన్నతల్లిని.., సొంత ఊరిపై ప్రేమలేని వారు మనుషులే కాదని పెద్దలు చాలాసార్లు చెప్పారు. ఇక పూర్వికులు పుట్టిన ఊరు అంటే ఎక్కడలేని అభిమానం, మమకారం పొంగుకొస్తుంది. అయితే.., జూనియర్ ఎన్టీఆర్ కు మాత్రం నిమ్మకూరు అంటే భయమేస్తున్నట్లు తెలుస్తోంది. జూనియర్ ఎంతగానో అభిమానించే తాతయ్య.. నట సార్వభౌమ, స్వర్గీయ ఎన్టీఆర్ పుట్టిన గడ్డ నిమ్మకూరుపై ఎనలేని ప్రేమ ఉండాల్సింది పోయి ఈ భయం ఏమిటి అని సినీ వర్గాల్లో గుసగుసలు మొదలయ్యాయి. అయితే దీనికి ఒక ఫ్లాష్ బ్యాక్ ఉన్నట్లు.., దాన్ని తలుచుకుని భయపడుతున్నట్లు తెలుస్తోంది.

ఫ్లాష్ బ్యాక్ స్టోరీకి వెళ్లే ముందు ప్రజెంట్ సీన్ కాస్త చూస్తే.., ప్రస్తుతం పూరి డైరెక్షన్ లో వస్తున్న ‘టెంపర్’ సినిమాలో జూనియర్ ఎన్టీఆర్ నటిస్తున్న విషయం తెలిసిందే. ఈ మూవీని సంక్రాంతికి విడుదల చేసేందుకు సిద్దం చేస్తున్నారు. షూటింగ్ తో పాటే, ఎడిటింగ్ వంటి పోస్ట్ ప్రొడక్షన్ పనులు చేస్తూ టైం వేస్ట్ చేయకుండా కష్టపడుతున్నారు. ఇక ఈ సినిమా పాటలను నిమ్మకూరులో విడుదల చేయాలని ముందుగా డిసైడ్ అయినట్లు ఊహాగానాలు వచ్చాయి. అయితే తాజాగా గుంటూరులో ఆడియో రిలీజ్ ఉంటుందని గుసగుసలు విన్పిస్తున్నాయి. డిసెంబర్ నెలలో గుంటూరులో వేడుకను నిర్వహిస్తారని ఆఫ్ బీట్ టాక్.

ఈ ప్లేస్ చేంజ్ కు కారణం తెలియాలంటే ఫ్లాష్ బ్యాక్ కు వెళ్దాం. ‘టెంపర్’కు ముందు ఎన్టీఆర్ పూరితో అప్పట్లో చేసిన సినిమా ‘ఆంధ్రావాలా’ అట్టర్ ఫ్లాప్ అయిన ఈ సినిమా ఆడియో విడుదల నిమ్మకూరులో జరిగింది. ‘సింహాద్రి’ బ్లాక్ బస్టర్ తర్వాత వచ్చిన ఈ సినిమాపై భారీ అంచనాలతో.., జూనియర్ ఎన్టీఆర్ అభిమానులు ప్రత్యేక రైళ్లు, బస్సులతో నిమ్మకూరు వెళ్లటం అప్పట్లో సంచలనం కల్గించింది. మళ్ళీ ఎన్టీఆర్ వచ్చాడంటూ అంతా పూనకం వచ్చినట్లు ఊగిపోతున్న సమయంలో సినిామ విడుదలై షాక్ ఇచ్చింది. ఇన్ని సంవత్సరాల తర్వాత మళ్ళీ పూరితో సినిమా.. అదే నిమ్మకూరు ఆ తర్వాత రిజల్ట్ కూడా అదే అవుతుంది అని అదురుకుని.., ప్లేస్ మార్చారని పుకార్లు వస్తున్నాయి. నిమ్మకూరు, గుంటూరు ఎంతవరకు నిజమనేది సినిమా యూనిట్ స్పందిస్తేనే క్లారిటీ వస్తుంది. అయితే మూవీ హిట్, ఫ్లాపుకు కధతో సంబందం తప్ప ఊరితో పనిలేదని మాత్రం చెప్పగలము.

కార్తిక్