రానాతో రిలేషన్ పై సంచలన కామెంట్లు

Posted: 11/26/2014 11:25 AM IST

ఇండస్ర్టీలోకి వచ్చి పుష్కరం పూర్తవుతున్నా.., ఇప్పటికీ చెన్నై భామకున్న క్రేజు మాత్రం తగ్గటం లేదు. చుక్కలెన్ని ఉన్నా చందమామ వెన్నెలకే ఓటు అన్నట్లుగా.., ఎంతమంది కొత్త హీరోయిన్లు వచ్చినా త్రిషకు మాత్రం అవకాశాలు తగ్గటం లేదు. తాజాగా ఈ అమ్మడిపై రెండు వరుస పుకార్లు సంచలనం సృష్టించాయి. ఒకటి బంధం తెంచుకోవటం గురించి అయితే మరొకటి కొత్త బంధం కలవటం గురించి పుకార్లు వచ్చాయి. వీటిపై అందాల భామ తనదైన స్టైల్ లో వివరణ ఇచ్చుకుదంి. ఓ మీడియా సంస్థతో మాట్లాడుతూ తనపై వచ్చిన పుకార్లపై క్లారిటీ ఇచ్చింది.

వరుణ్ తో ఎంగేజ్ మెంట్ జరిగినట్లు వచ్చిన ఊహాగానాలను త్రిష తోసిపుచ్చింది. తనకు నిశ్చితార్థం కాలేదని చెప్పింది. అయితే మాత్రం తప్పకుండా తానే ముందుగా చెప్తానని మరోసారి తెలిపింది. పెళ్ళి విషయం దాచాల్సిన అవసరం తనకు లేదని స్పష్టం చేసింది. ప్రతి అమ్మాయికి నిశ్చితార్దం, పెళ్ళి అనేది సంతోషకరమైన విషయమనీ.., అలాంటి అంశాన్ని ఎందుకు దాచి ఉంచడం అని ప్రశ్నించింది. వరుణ్ తన స్నేహితుడే అయినా.., పెళ్ళి చేసుకోవాలని ఖచ్చితమైన నిబంధన ఏదీ లేదు అని చెప్పింది.

ఇక రానాతో సంబంధంపై కూడా వివరణ ఇచ్చింది. గతంలో రానాతో సన్నిహితంగా ఉంటున్నట్లు రూమర్లు వచ్చాయి. వాటికి అవును అని ఎప్పుడూ సమాధానం చెప్పలేదు. అలాంటి సందర్బంలో విడిపోయినట్లు మళ్ళీ పుకార్లు వస్తే ఎందుకు స్పందించటం అని చెప్పింది. ప్రస్తుతం ఇది చర్చించాల్సిన విషయం, సమయం కాదు అని సమాధానమిచ్చింది. ఖచ్చితంగా తనకు పెళ్ళి జరుగుతుందనీ.., అయితే అది ఎవరితో, ఎప్పుడు అనేది ఇంకా తెలియదు అని పేర్కొంది. 12సంవత్సరాలుగా ఇండస్ర్టీలో వచ్చిన ఆఫర్లు, చేసిన సినిమాలు సంతృప్తి ఇచ్చాయి అని తెలిపింది.

కార్తిక్