గ్లామర్ తో టీచర్ కు గండి కొట్టింది

Posted: 11/24/2014 10:31 AM IST

ఒక ఒరలో రెండు కత్తులు ఉండవు అనే సామెత చాలాకాలంగా ప్రచారంలో ఉంది. అయితే ఈ మద్య సినిమాల్లో ఒకే ప్రాజెక్టులో రెండేమిటి మూడు కత్తులు కూడా దూసుకొస్తున్నాయి. అయితే సినిమాల వీరందర్నీ సమానంగా చూపించలేము. ఒకరు ఎక్కువ మరొకరు తక్కవ అనే తేడా వస్తుంది. రజినీకాంత్ లింగా మూవీకి కూడా ఈ ఇబ్బంది తప్పలేదట. ఇద్దరు హీరోయిన్లు నటించిన ఈ సినిమాలో అనుష్క కంటే సోనాక్షి సిన్హా ఎక్కువ ఫోకస్ అయిందని కోలీవుడ్ వర్గాలు చెప్తున్నాయి.

డిసెంబర్ రెండవ వారంలో విడుదల అయ్యేందుకు ‘లింగా’ మూవీ సిద్దమవుతోంది. పోస్ట్ ప్రొడక్షన్ పనులు వేగంగా జరుగుతున్నాయి. సినిమా రష్ చూసిన పలువురు కోలీవుడ్ ప్రముఖులు అనుష్కను సోను డామినేట్ చేస్తున్నట్లుంది అని అనుమానం వ్యక్తం చేశారు. గ్లామర్, సినిమాలో కన్పించే సమయం విషయంలో అనుష్కకు అన్యాయం జరిగిందట. సోను భామ గ్లామర్ పరంగా యోగా టీచర్ ను బీట్ చేసిందట. ఇక మూవీలో ఎక్కువ సమయం కన్పించటం విషయంలో కూడా అనుష్క కు పరాభవం తప్పలేదని తెలుస్తోంది. సినిమాలో ఎక్కువ పార్ట్ ఉండే ఫ్లాష్ బ్యాక్ స్టోరీలో సిన్హా గ్రామీణ ప్రాంత యువతిగా మంచి కట్టుబొట్టుతో కన్పిస్తుందట. ఇక పాటల విషయానికి వస్తే మాత్రం ఊపు ఊపేసిందని టీజర్ చూస్తేనే తెలుస్తోంది.

మోడ్రన్ అమ్మాయిలా కన్పించే అనుష్క చాలా తక్కువ సమయం కన్పిస్తుందట. సౌత్ లో అనుష్క పాపులర్ అయినా సరే ఈ సినిమాలో మాత్రం డామినేషన్ ఎదుర్కుంది. సోనాక్షికి క్యారెక్టర్ తో పాటు, వయస్సు కూడా ఎక్కువ ఫోకస్ అయ్యేందుకు సహకరించిందని అంటున్నారు. అనుష్క కంటే చిన్నది కావటంతో కెమెరాలు కాస్త ఎక్కవ ఫోకస్ చేశాయట. మరి ఇది కేవలం రష్ వరకే ఉంటుందా.., సినిమాలో కూడా కంటిన్యూ అవుతుందా అనేది సినిమా విడుదల అయితేనే తెలుస్తుంది. ఒకవేళ అన్యాయం జరిగితే అనుష్క ఎలా స్పందిస్తుంది అనేది తెలియాల్సి ఉంది.

కార్తిక్