కూతురు వెనకాల తల్లి... ! భర్త వెనకాల భార్య

Posted: 11/22/2014 03:37 PM IST

సినిమా ఇండస్ర్టీ గురించి తెలిసిన వారికి ‘కూతురు వెనకాల తల్లి’ అనే వాక్యంకు అర్థమేంటో తెలుసు. అంటే ఒక అమ్మాయి హీరోయిన్ అయిందంటే చాలు.., ఇక ఆమె తల్లి ఎల్లపుడూ వెంట ఉంటుంది. షూటింగ్ స్పాట్ కు కూతురుతో కలిసి వస్తుంది. అక్కడే భోజనం వగైరా అన్ని కూడా ఉంటాయి. రెమ్యునరేషన్లు, షూటింగ్ డేట్లు ఇవ్వటం, చివరకు ఎలాంటి బట్టలు వేసుకోవాలో కూడా తల్లి డిసైడ్ చేస్తుంది. అంటే కూతురు మనకు కన్పించే టీవీ అయితే తల్లి వెనకాల ఉండి నడిపించే రిమోట్ కంట్రోలర్ అన్నమాట. భర్త వెనక భార్య అనే మాట కాస్త కొత్తగా ఉంది.

 అయితే అర్ధం మాత్రం ఒకటే. అంటే కూతుర్ని తల్లి కంట్రోల్ చేసినట్లు భర్తను భార్య కంట్రోల్ చేస్తోంది. ఇది మహేష్ విషయంలో జరుగుతున్నట్లు టాలీవుడ్ లో గుసగుసలు విన్పిస్తున్నాయి. ఇండస్ర్టీలో సూపర్ స్టార్ గా ఉన్న మహేష్ తాజా చిత్రం ‘ఆగడు’ భారీ బడ్జెట్, అంచనాలతో వచ్చి బొక్కబోర్లా పడింది. దీంతో సినిమాల ఎంపిక, డైరెక్టర్లు, డైలాగులు, బడ్జెట్ విషయంలో మహేష్ జాగ్రత్తలు తీసుకుంటున్నాడు అని తెలిసిందే. అయితే మహేష్ విషయంలో నమ్రత కూడా అంతకంటే ఎక్కువ జాగ్రత్తలే తీసుకుంటుంది అని ఫిలింనగర్ వర్గాల సమాచారం.

గతంలో మాదిరిగానే ముందస్తు అపాయింట్ మెంట్ వంటి పార్మాలిటీస్ లేకుండా ఈ మద్య కొందరు నిర్మాతలు మహేష్ ను కలవటానికి ఇంటికి వచ్చారట. వారు కలిసి వెళ్లిన తర్వాత సెక్యురిటీ సిబ్బందిపై మాజీ నటి చాలా సీరియస్ అయినట్లు తెలుస్తోంది. అనుమతి లేకుండా ఎవరిని లోపలికి పంపవద్దని సెక్యురిటి సిబ్బందికి గట్టిగా చెప్పిందట. అదేవిధంగా సూపర్ స్టార్ చుట్టూ కొంతమంది చేరి భజనబృందంగా మారి సినిమాలు ప్రభావితం చేస్తున్నారని నమ్రత గుర్తించింది. వీరందర్ని ఆయనకు దూరంగా పెట్టాలని ప్రయత్నిస్తోందని కూడా తెలుస్తోంది. ఇలా మహేష్ విషయంలో పలు కఠిన నిబంధనలు అమలు చేస్తూ సినిమా విషయాల్లో నమ్రత జోక్యం చేసుకుంటోంది. మరి ఈ కంట్రోలింగ్ ఏ మేరకు వర్కవుట్ అవుతుందో తెలియాలంటే కొంతకాలం ఆగాలి.

కార్తిక్