అడ్డుకున్నారా..? లేక ఆగిపోయారా... ??

Posted: 11/21/2014 10:54 AM IST

Reason behing aadi rough movie release postpone

లవర్ బాయ్ హీరో ఆది లేటెస్ట్ మూవీ ‘రఫ్’ ఈనెల 21న విడుదల అవుతుందని అంతా అనుకున్నారు. అయితే ఎలాంటి ప్రమోషన్లు, యాడ్ లు లేకపోవటంతో సినిమా విడుదలపై అందరికి డౌట్ వచ్చింది. అంతా ఊహించినట్లే ఈ మూవీ 21న విడుదల కాలేదు. తాజా సమాచారం ప్రకారం నవంబర్ 28న ‘రఫ్’ రిలీజ్ అవుతుందని తెలుస్తోంది. అయితే విడుదల ఎందుకు ఆగిపోయింది అనే ప్రశ్నకు సెన్సార్ లేట్ అని సమాధానం వస్తుంది. ఈనెల 20న ఈ మూవీకి సెన్సార్ బోర్డు యు/ఎ సర్టిఫికెట్ ఇచ్చింది.

దీంతో హడావుడిగా సినిమా విడుదల చేసే బదులుగా వచ్చే వారం విడుదల చేస్తే బెటర్ అనుకున్నట్లు తెలుస్తోంది. అయితే వాయిదా వెనక మరో రీజన్ ఉన్నట్లు తెలుస్తోంది. 21న మూడు సినిమాలు వస్తున్నాయి. దీనికి తోడు తాజాగా ‘నా బంగారు తల్లి’ కూడా ఇదే రోజున థియేటర్లకు వస్తుంది. అన్ని చిన్న సినిమాలే అయినా.., నలుగురి మద్య నలిగే కంటే.., ఒక్కరిగా రావటం బెటర్ అనుకుని సైలెంట్ గా సైడ్ అయిపోయినట్లు గుసగుసలు విన్పిస్తున్నాయి. వచ్చేవారంకు ఈ నాలుగు సినిమాలు పాతబడటంతో.., ఫ్రెష్ గా వచ్చి ఫుల్ కలెక్షన్ వసూలు చేయవచ్చని కమర్షియల్ ఆలోచనతో ఇలా చేశారట.

శ్రీదేవి ఎంటర్ టైన్ మెంట్స్ బ్యానర్ పై ఆది హీరోగా తెరకెక్కిన ‘రఫ్’ మూవీలో రకుల్ ప్రీత్ సింగ్ హీరోయిన్. సి.హెచ్.సుబ్బారెడ్డి దర్శకత్వం వహించగా.., అభిలాష్ మాధవరం నిర్మాతగా వ్యవహరించారు. ఆది కెరీర్ లో మరో లవ్ ఎంటర్ టైనర్ సినిమాగా ‘రఫ్’ నిలుస్తుందని టాలీవుడ్ వర్గాలు అంటున్నాయి. ఈ సినిమా కోసం ఆది సిక్స్ ప్యాక్ బాడీ పెంచేశాడు. అన్ని హంగులు పూర్తి చేసుకుని 28న థియేటర్లలోకి వచ్చేందుకు సిద్ధమవుతోంది.

కార్తిక్