రానా-త్రిష మద్య రాగిణి చిచ్చు

Posted: 10/29/2014 07:08 PM IST

ఆడదానికి ఆడదే శత్రువు అనేది ఎప్పట్నుంచో ఉన్న సామెత. ఇప్పుడిది రానా-త్రిష విషయంలో నిరూపితం అయింది అని అంతా అనుకుంటున్నారు. ఎందుకంటే ఎప్పటినుంచో స్నేహితులుగా ఉన్న వీరిద్దరూ ఈ మద్య మళ్ళీ విడిపోయారు. దీనికి కారణాలు ఆరాతీస్తే..., ఓ నటి వల్ల వీరిద్దరు విడిపోయారు అని తెలుస్తోంది. అమే కన్నడ నటి రాగిణి అని అంతా అంటున్నారు. రాగిణితో రానా సన్నిహితంగా దిగిన ఫొటోలు ఈ మద్య బయటకు రావటంతో ఈ కారణంగానే స్నేహితులిద్దరూ విడిపోయారు అని చెప్పుకుంటున్నారు.

పూర్తి వివరాలు చూస్తే... ప్రస్తుతం బాహుబలి సినిమాలో నటిస్తున్న రాగిణి రానాతో కలిసి గతంలో ఫోటోలు దిగినట్లు తెలుస్తోంది. ఈ ఫొటోలు కొన్ని వెబ్ సైట్లలో దర్శనం కావటంతో దుమారం రేగింది. ఈ వివాదం కారణంగా త్రిష మనస్తాపం చెంది మళ్ళీ దూరం వెళ్లింది అని అనుకుంటున్నారు. అయితే ఈ ఫొటోలపై రానా వివరణ ఇచ్చారు. కేవలం ఒక ఫొటోను పట్టుకుని ఇలా రాద్దాంతం చేస్తే ఎలా అని ప్రశ్నించాడు. అటు రాగిణి కూడా ఈ ఫొటోలు అంతగా పట్టించుకోనవసరం లేదు అని స్పస్టం చేసింది.

ఇదంతా బాగానే ఉంది కానీ ఇక్కడే ఓ విషయం అర్దం కావటం లేదు అదేమంటే.., నిజంగా స్నేహితులుగా ఉంటే ఇంకో స్నేహితురాలు పరిచయం అయితే త్రిషకు ఎందుకు కోపం వస్తుంది?. పోనీ వీరు విడిపోవటానికి ఇది కారణం కాకపోతే అసలు కారణం ఏమిటి. ఇలాంటి ప్రశ్నలు ఎన్నో ఉన్నాయి. వీటిపై ఎవరికి వారు ఏదేదో ఊహించే్సుకోవటం తప్ప వాస్తవాలు తెలిసిన వ్యక్తులు ఎవరూ ప్రకటనలు చేయటం లేదు.

కార్తిక్