లైలా మళ్లీ ఎందుకు వాయిదా పడింది..?

Posted: 09/20/2014 12:38 PM IST

Once again oka laila kosam movie release postponed

‘‘నేను ఎక్కాల్సిన బస్సు జీవిత కాలం లేటు’’ అన్నట్లుగా.., నాగ చైతన్య తాజా సినిమా ‘ ఒక లైలా కోసం’ లేటు అవుతూనే ఉంది. సినిమా విడుదల మరోసారి వాయిదా పడింది. ఆగస్టు చివరి వారంలో విడుదల కావాల్సిన సినిమా ఓ స్టార్ హీరో భారీ అంచనాలను చూసి ఇప్పుడే వద్దులే అనుకుందట. మళ్లీ ఓ సారి నాగార్జున రీ షూట్ చేయమన్నాడని ఆగిపోయింది. తాజాగా ఇప్పుడు మరోసారి సినిమా వాయిదా పడినట్లు తెలుస్తోంది. ఇప్పుడు మరో స్టార్ హీరో సినిమా కారణం అని స్పస్టం అవుతోంది.

ఇప్పటికే పెద్ద సినిమాలు వరుసపెట్టి వస్తుంటే.., అదే వరుసలో వాయిదాలను పెంచుకుంటూ పోయిన లైలా.. తాజాగా రామ్ చరణ్ ను చూసి ఆగిపోయింది. అక్టోబర్ 1న రామ్ చరణ్ నటించిన ‘గోవిందుడు అందరివాడేలే’ సినిమా విడుదల అవుతోంది. ఈ నేపథ్యంలో విడుదలకు సిద్ధంగా ఉన్న ‘ఒక లైలా కోసం’ వాయిదా వేసుకున్నట్లు తెలుస్తోంది. తాజా సమాచారం ప్రకారం గోవిందుడి వేడి తగ్గాలంటే ఓ నెల పడుతుందని అంచనా వేస్తున్నారు. దీన్నిబట్టి అక్టోబర్ చివరి వారంలో లేదా.., నవంబర్ మొదటి వారంలో సినిమా విడుదల అవతుందని యూనిట్ అంటోంది.

ఇలా ఇతర సినిమాలను చూసి లైలా రావటానికి ఆలోచిస్తోంది. ఈ విషయం ఫ్యాన్స్ తో పాటు ప్రేక్షకులకు కూడా తెలిస్తే.., ఎందుకు భయపడుతుంది? ఏదైనా లోపమా? అని లోతైన కారణాలు వచ్చి..,మొదటికే మోసం జరిగే ప్రమాదం ఉంది. కాబట్టి బాలారిష్టాలను దాటుకుని త్వరగా బయటకు వస్తే అందరికి మంచిది. ‘ఒక లైలా కోసం’ సినిమాను విజయ్ కుమార్ కొండా డైరెక్ట్ చేస్తున్నాడు. అన్నపూర్ణ స్టూడియోస్ బ్యానర్ పై నాగార్జున సినిమాను నిర్మిస్తున్నారు. చైతు పక్కన పూజా హెగ్డే నటిస్తోంది.

కార్తిక్