ఐ రిలీజ్ ను శంకర్ లేట్ చేస్తున్నాడా..?

Posted: 09/19/2014 11:14 AM IST

క్రియేటివ్ వండర్ గా నిలుస్తుందని అంచనా వేస్తున్న ‘ఐ’ సినిమాను శంకర్ ఆలస్యం చేస్తున్నాడా అంటే అవుననే సమాధానం వస్తోంది. తన సినిమాలో స్పెషల్ ఎఫెక్స్ట్, సెట్టింగులు, కొత్త లొకేషన్లు ఉండాలని కోరుకునే శంకర్ అందుకోసం సినిమాను కాస్త ఆలస్యంగా విడుదల చేస్తున్నట్లు తెలుస్తోంది. అసలు విషయానికి వస్తే., ‘ఐ’ సినిమాను అక్టోబర 23న దీపావళి కానుకగా విడుదల చేయాలని సినిమా యూనిట్ బావిస్తోంది. కాని.., ఇంకా ఒక పాట షూట్ చేయాల్సి ఉంది. శంకర్ కోరుకున్న భారీ సెట్టింగులు ఏర్పాటు చేసి షూటింగ్ పూర్తి చేసే సరికి ఇంకా సమయం పడుతుందని కోలివుడ్ వర్గాలు అంటున్నాయి.

అటు సెట్టింగులతో పాటు గ్రాపిక్స్ కు ప్రాధాన్యత ఇస్తాడు కాబట్టి.. షూటింగ్ పూర్తయి.., దానికి గ్రాఫిక్స్ ఎఫెక్ట్ వేసే సరికి ఆలస్యం అవటం ఖాయంగా తెలుస్తోంది. అంటే దీపావళి కానుకగా ఈ సినిమా వచ్చే అవకాశం లేదు. అయితే ఖచ్చితంగా విడుదల చేసేందుకు ప్రయత్నిస్తామని యూనిట్ అంటోంది. చూడాలి మరి వారు ఏ  మేరకు కష్టపడి ‘ఐ’ని అక్టోబర్ 23కు అందిస్తారో.., అటు అభిమానులు కూడా దీపావళిని విక్రమ్ సినిమాతో జరుపుకుంటామని చెప్తున్నారు.

దేశ సిని ఇండస్ర్టీలో విడుదలకు ముందే సంచలనాలను క్రియేట్ చేస్తోందీ సినిమా. ట్రైలర్, ఫొటోలు అభిమానులను విశేషంగా ఆకట్టుకుంటున్నాయి. సోమవారం విడుదలైన ట్రైలర్ ను ఇప్పటివరకు లక్షల మంది అభిమానులు వీక్షించి లైక్ కొట్టారు. చాలా బాగుందని కామెంట్లు కూడా రాస్తున్నారు. ఇక ఆడియో కూడా తమిళంలో మంచి రెస్పాన్స్ సంపాదించింది. భారీ బడ్జెట్ తో పాటు.., భారీ సెట్టింగులతొ వస్తున్న శంకర్ సినిమా తెలుగులో కూడా ‘ఐ’ పేరుతో మనోహరుడు అనే క్యాప్షన్ జత చేసుకుని విడుదల కానుంది.

కార్తిక్