త్వరలో.. సంపూతో మంచు ఫ్యామిలి సినిమా

Posted: 09/18/2014 12:57 PM IST

Manchu vishnu to do a film with sampoornesh babu

గ్లామర్, హీరోయిజంకు పెద్ద పీట వేసే తెలుగు తెరపై ఆ రెండూ లేకుండా క్లిక్కుమన్నది ఎవరయ్యా అంటే సంపూర్ణేష్ బాబు అని ఠక్కున గుర్తుకువస్తుంది. ‘హృదయ కాలేయం’ అని వెరైటీ టైటిల్ పెట్టడంతో పాటు సినిమాను కూడా వెరైటీగా తీసి పర్లేదు అన్పించుకున్నాడు. ‘‘కొనడానికి నేను షాంపును కాదు.., సంపూని’’ అంటూ సీరియస్ డైలాగును సిల్లీగా చెప్పి.., అందర్ని నవ్వించిన సంపూ ప్రస్తుతం టాలీవుడ్ లో కాస్త బిజీ హీరోగానే కన్పిస్తున్నాడు. ఆయనతో సినిమాలు చేసి అదృష్టం పరీక్షించుకోవాలని కొందరు ఎదరుచూస్తున్నారు. ఆ వరుసలో ముందుంది మంచు ఫ్యామిలీ అని చెప్పవచ్చు. కొందరు హీరోయిన్లను ఎంపిక చేసి వారిని పర్మనెంటుగా ఫ్యామిలీ హీరోయిన్లుగా చేసుకునే మంచు ఫ్యామిలీ తొలిసారి హీరోపై పడింది.

ఈ మద్య జరిగిన ‘‘కరెంటు తీగ’’ సినిమా ఆడియో కార్యక్రమంలో బాబు కన్పించటం ఈ ఊహాగానాలకు బలం ఇస్తోంది. ప్రొడక్షన్ హౌజ్ ప్రారంభించిన మంచు విష్ణు త్వరలోనే సంపూర్ణేషు బాబుతో సినిమా తీస్తారని ప్రచారం జరుగుతోంది. అయితే దీనిపై ఇంకా ఎలాంటి సమాచారం బయటకు మాత్రం రాలేదు. అయితే వెరైటీ టైటిల్ అదీకాక పాపులర్ అయి ఉండాలని భావించి సూర్య ఫేమస్ సినిమా ‘సింగం2’ టైటిల్ ఉపయోగించుకుంటున్నట్లు తెలుస్తోంది. సంపూ కోసం సినిమా పేరు అంకెల్లో ముందు వెనక అతుకులు వేసి ‘సింగం123’ పేరుతో సినిమా తీస్తారట. ఇది కూడా కామెడిగా ఉంటుందని భావిస్తున్నారు. అంతేకాదు సింగం సినిమాలానే ఇందులో కూడా బాబు పోలిస్ గెటప్ లో నవ్వించే డ్యూటీ చేస్తాడని ఫిలింనగర్ టాక్.

ప్రస్తుతం సినిమాల పరంగా కాస్త ఇబ్బందుల్లో ఉన్న మంచు ఫ్యామిలి, నేరుగా స్ర్ర్కీన్ పైకి రాకుండా ఇతరుల్ని ప్రయోగించి చూస్తోంది. ఆ కోవలోనే సంపూతో సినిమా చేస్తున్నట్లు తెలుస్తోంది. ఈ సినిమా వల్ల సంపూకి కెరిర్ లో ఒక సినిమా పెరగటంతో పాటు, మంచు ఫ్యామిలికి మరో కొత్త సినిమా తీశామన్న ఆరాటం తగ్గుతుంది. త్వరలో మంచు మనోజ్ నటించిన ‘కరెంటు తీగ’ విడుదల కానుంది. మరి విష్ణు సంపూ అస్ర్తం ఎలా దూసుకెళ్తుందో చూడాలంటే ముందు సినిమా తెరకెక్కాలి.

కార్తిక్