ఆగడు నిజంగా అంత బాగుంటుందా..?

Posted: 09/17/2014 03:47 PM IST

Aagadu movie have good dialogues than pokiri says mahesh babu

ఆగడు సినిమాపై మహేష్ అభిమానులు భారీగానే అంచనాలు పెట్టుకున్నారు. ఈ మద్య రిలీజ్ అయిన ట్రైలర్ చూసి సినిమా హిట్టు ఖాయం అని ధీమాగా చెప్తున్నారు. అటు త్రిమూర్తుల సెకండ్ కాంబినేషన్ మూవీ కావటంతో ఖచ్చితంగా లాభాలు వస్తాయని డిస్ర్టిబ్యూటర్లు కూడా కోట్లు పెట్టి రీళ్లు కొన్నారు. ప్రస్తుతం విడుదలకు సిద్ధంగా ఉన్న ఈ సినిమాపై సూపర్ స్టార్ మహేష్ బాబు స్పందించాడు. తన కెరీర్ లో ఓ మైల్ స్టోన్ గా ఉన్న ‘పోకిరి’ని ‘ఆగడు’ దాటేస్తుందని విశ్వాసం వ్యక్తం చేస్తున్నారు. ఆగడులోని డైలాగులు పోకిరి సినిమా డైలాగుల కంటే చాలా బాగుంటాయని చెప్పారు. పోకిరి సినిమా డైలాగులే సినీ ఇండస్ట్రీలో ఓ సెన్సేషన్. సైలెంటుగా మాట్లాడి.., బెదిరించే మహేష్ మ్యానరిజం అప్పట్లో ఓ మ్యానియాలా మారిపోయింది.

అలాంటిది ఆగడులో డైలాగులు పోకిరి కంటే బాగుంటాయని చెప్పి ఫ్యాన్స్ అంచనాలను మరింత పెంచేశారు. ఆగడు సినిమా కోసం అనేక మాడ్యులేషన్లలో డైలాగులు ప్రాక్టిస్ చేసిమరి చెప్పానన్నారు. కాబట్టి గత రికార్డులను ఖచ్చితంగా బ్రేక్ చేస్తుందన్నారు. దూకుడు హిట్ అందించిన శ్రీనువైట్ల కాంబినేషన్ లో ఈ సినిమా వస్తుంది. అటు వీరిద్దరి కాంబినేసన్ కు 14రీల్స్ సంస్థ తోడయి ముగ్గురు కలిసి రెండవ సినిమా చేస్తున్నారు. ఈ మూవీలో తమన్నా హీరోయన్ గా కన్పించనుంది. సినిమా ప్రోమోలు, ట్రైలర్లకు అనూహ్య స్పందన రాగా.., మరింత పబ్లిసిటీ కోసం ప్రత్యేకంగా రైలును నడుపుతున్నారు. మహేష్ పోస్టర్లతో ఉన్న రైలు ప్రస్తుతం విశాఖపట్నంలో ఉంది.

కార్తిక్