సినిమా చేయాలంటూ బన్నీ బయపడుతున్నాడా ?

Posted: 09/15/2014 02:59 PM IST

ఎంటర్ టైన్ మెంట్ సినిమాలు చేయడానికి ఏ హీరో అయినా ముందుకు వస్తాడు. మిగతా సినిమాల కంటే వీటిపై ఎక్కువ ఆసక్తి చూపిస్తారు కూడా. అయితే ఇందుకు భిన్నంగా అల్లు అర్జున్ వ్యవహరిస్తున్నాడు. ఎంటర్ టైన్ మెంట్ ను కాసేపు పక్కనబెడితేనే బెటర్ అనుకుంటున్నాడు. అయితే ఇది అన్ని కధలకు మాత్రం కాదు.., కేవలం కందిరీగ కథకు. కందిరీగ సినిమా డైరెక్టర్ శ్రీనివాస్ సినిమా తీసేందుకు బన్ని నిరాకరించినట్లు తెలుస్తోంది. ఇందుకు ఆయన తాజా ఎంటర్ టైన్ మెంట్ మూవీ రభస రిజల్ట్ కారణంగా తెలుస్తోంది.

ఎన్టీఆర్ హీరోగా ఈ మద్య రిలీజ్ అయిన రభస సినిమా.., ఆశించిన విజయాన్ని అందించలేదు. సినిమా రిజల్ట్, కలెక్షన్లు అభిమానులను, సినిమా యూనిట్ ను కూడా నిరాశపరిచాయి. అయితే ఈ ఫలితం మాట ఎలాగున్నా.., ఇంకో సినిమా తీయాలి కదా అనుకుని.. శ్రీనివాస్ అల్లు అర్జున్ దగ్గరకు వెళ్ళాడట ( అర్జున్ తో తదుపరి సినిమా తీసేందుకు ఇంతకుముందే శ్రీనుకు ఒప్పందం కుదిరింది) సినిమా గురించి ప్రస్తావిస్తే.. వద్దు అని బన్ని చెప్పినట్లు తెలుస్తోంది. దీంతో శ్రీనివాస్ షాక్ అయ్యాడని సన్నిహితులు అంటున్నారు. రభస రిజల్ట్ చూసి తన సినిమా కూడా ఇలా అవుతుందని భయపడుతున్నట్లు తెలుస్తోంది.

అయితే సినిమా చేయనని అర్జున్ ఇంకా స్పష్టంగా చెప్పలేదని ఆయన సన్నిహితులు అంటున్నారు. దీంతో బన్నీ ఎలా స్పందిస్తాడో అని శ్రీనివాస్ ఎదురుచూస్తున్నాడు. ఇక జులాయి హిట్ అందించిన త్రివిక్రమ్ దర్శకత్వంలో బన్ని ప్రస్తుతం సినిమా చేస్తున్నాడు. ఈ సినిమాకు రాధాకృష్ణ దర్శకుడుగా ఉన్నాడు. అటు రుద్రమదేవి సినిమాలో కూడా ఓ పాత్రలో బన్నీ కన్పించనున్నాడు.

కార్తిక్