చివరకు ఇలా కూడా చేస్తోందా ?

Posted: 08/30/2014 05:10 PM IST

స్లిమ్ బ్యూటి శృతి హసన్ తండ్రికి తగ్గ కూతురు అనిపించుకుంటోంది. తండ్రి నటనలోనే తన గొప్పతనం చూపిస్తే.., హసన్ రెండడుగులు ముందుకేసి పాటలు కూడా పాడి మెప్పించింది. ఇప్పుడు కొత్తగా డబ్బింగ్ మొదలు పెట్టింది. విశాల్ తో కొత్తగా తమిళ సినిమా ‘పూజై’ త్వరలో పూజ పేరుతో దీపావళికి రిలీజ్ అవుతోంది. ప్రస్తుతం సినిమా ప్రొడక్షన్ వర్క్ బిజీగా అవుతోంది. ఈ సినిమాలో శృతి తన గొంతుకు సొంతంగా డబ్బింగ్ చెప్పుకుంది. షూటింగ్ సమయంలో గళగళా తెలుగు మాట్లాడే గాత్ర సుందరి ఇప్పుడు సొంతంగా గళమెత్తే స్థాయికి ఎదిగింది.

పూజ తెలుగు వర్షన్ కు శృతి సొంతంగా డబ్ చెప్పుకుంటుందని  హీరో విశాల్ ప్రకటించాడు. అంతేకాదు ఈ సినిమా తెలుగు వర్షన్ లో ఓ పాట కూడా పాడుతోందట.  ఇప్పటికే ఆగడు సినిమాలో ఐటం సాంగ్ లో ఆడటమే కాదు.. సొంతంగా పాట కూడా పాడుకుంది. అన్నట్లు మహేష్ తో కొరటాల శివ తీస్తున్న కొత్త సినిమాలో హీరోయిన్ గా శృతి నటిస్తోంది. త్వరలోనే షూటింగ్ జరుపుకునే ఈ సినిమాలో కొత్తగా ఏం ట్రై చేసి టాలెంట్ చూపిస్తుందో చూడాలి. ఇప్పటి వరకు హీరోయిన్ కమ్, సింగర్ కమ్, మ్యూజిక్ డైరెక్టర్ కమ్ డబ్బింగ్ ఆర్టిస్ట్ గా ఉంది.  మరో సినిమాలో మరో కమ్ జత చేయక తప్పదు.

 

కార్తిక్