ఎన్టీఆర్ కు హ్యండిచ్చిన కాజల్

Posted: 08/05/2014 03:54 PM IST

తమిళ, హిందీ సినిమాల్లో ఒక్కసారి ఆఫరొస్తే చాలు.. ఇక తెలుగులో నటించిన ఏ హీరోయిన్ ఐనా సరే... తెగ హడావిడి చేస్తుంటారు. తెలుగులో స్టార్ హీరోయిన్లుగా కొనసాగుతున్న కూడా బాలీవుడ్ ఆఫర్ వస్తే చాలు అదేదో పెద్ద వరంలాగా భావించేస్తుంటారు. అయితే ఒకప్పుడు స్టార్ హీరోయిన్ గా వున్న కాజల్ కు ప్రస్తుతం తెలుగులో రాంచరణ్ హీరోగా నటిస్తున్న ‘గోవిందుడు అందరివాడేలే’ చిత్రం తప్ప మరో సినిమా చేతిలో లేదు. ఈ సినిమా షూటింగ్ కూడా దాదాపు పూర్తయ్యినట్లే.

అయితే ఈ సినిమా కాకుండా పూరీ, ఎన్టీఆర్ కాంబినేషన్లో ఓ చిత్రం తెరకెక్కబోతున్న సినిమాలో హీరోయిన్ గా కాజల్ ను ఎంపిక చేసుకున్నారు. కానీ ఈ ప్రాజెక్టును కాదనుకొని కాజల్ వెళ్లిపోయినట్లుగా తాజా సమాచారం. మొన్నటి వరకు కాజల్ కు ఒక్క సినిమా ఛాన్సు కూడా రాకపోవడంతో తెగ అల్లాడిపోయిన కాజల్ కు... ఎన్టీఆర్ హీరోయిన్ గా తన సినిమాలో అవకాశం ఇప్పించాడు. అయితే అన్నీ అనుకుని.. త్వరలో సెట్స్ పైకి వెళ్లడానికి సిద్ధమైన ఈ సినిమాకు కాజల్ దూరమవుతున్నట్లుగా వార్తలొస్తున్నాయి.

అయితే తాజాగా ఈ అమ్మడికి రెండు హిందీ ప్రాజెక్టులతో పాటు, ఒక తమిళ సినిమా ఆఫర్ కూడా వచ్చాయంట. దీంతో అనుకోకుండా వచ్చిన ఈ అదృష్టాన్ని వదులుకోలేక వెంటనే ఒప్పేసుకుందట. దీంతో పూరీ సినిమాను వదిలేసుకుందట. పూరీ కూడా తన సినిమా విడుదల డేట్ ను ప్రకటించేసాడు కాబట్టి... ఇక షూటింగ్ ను ఆలస్యం చేయడానికి సిద్ధంగా లేడు.

అందుకే కాజల్ ను తీసేసి... వేరే హీరోయిన్ కోసం వెతుకులాటలో పడ్డాడట పూరీ. ఇందుకు ఎన్టీఆర్ కూడా గ్రీన్ సిగ్నల్ ఇచ్చాడట. మరి ఎన్టీఆర్ సరసన హీరోయిన్ నటించబోయే ఆ హాట్ హీరోయిన్ ఎవరు అవుతారో త్వరలోనే తెలియనుంది. కాజల్ కు ఇక పూరీ, ఎన్టీఆర్ తరువాతి చిత్రాలలో నటించే అవకాశం కోల్పోయినట్లేనని అర్థమవుతుంది.