మీరాకు పెళ్లి కష్టాలు

Posted: 08/05/2014 03:36 PM IST

ఒకప్పుడు తెలుగు, తమిళ, మలయాళ సినిమాల్లో అగ్ర హీరోలందరితో కలిసి నటించిన ముద్దు గుమ్మ మీరా జాస్మిన్ కు ఇపుడు నిజజీవితంలో కష్టాలొచ్చాయి. ఈ అమ్మడికి ప్రస్తుతం సవతి పోరు ఎక్కువయ్యిందని తెలిసింది. మీరా జాస్మిన్ ఇటీవలే ప్రేమించి పెళ్లి చేసుకున్న విషయం తెలిసిందే. అంగరంగ వైభవంగా జరిగిన మీరా పెళ్లికి ప్రస్తుతం చిక్కులు వచ్చాయి. దీనికి కారణం తన భర్త అనిల్ జాన్ టైటస్ మాత్రమే కారణమని తెలిసింది. ఇంతకు ముందే పెళ్లయిన వాడినే మీరా పెళ్లి చేసుకోవడం వల్లనే ప్రస్తుతం మీరాకు కష్టాలొచ్చినట్లుగా తెలిసింది.

అనిల్ కు ఇదివరకే పెళ్లి అయ్యింది. అనిల్ మొదటి భార్యకు విడాకులు ఇవ్వకుండానే మీరాను రెండో పెళ్లి చేసుకున్నాడు. మీరా పెళ్లి కేరళలోని త్రివేండ్రం చర్చిలో ఘనంగా జరిగింది. ఐతే పెళ్లి తర్వాత రిజిస్ట్రేషన్ కు సంబంధించిన పలు సమస్యలు ఏర్పడ్డాయని, అందుకే ఇప్పటికీ కూడా వీరిద్దరూ ఆ చర్చి చుట్టూనే సర్టిఫికేట్ కోసం తిరుగుతున్నారని తెలిసింది. మొదటి భార్యకు విడాకులు ఇవ్వకుండానే పెళ్లి చేసుకోవడం వల్లనే వారు అభ్యంతరం చెబుతున్నారని తెలిసింది.

మరి అనిల్ మొదటి భార్య విడాకులు ఎప్పుడు ఇస్తుందో... మీరా ఎప్పుడు సంతోషంగా వుంటుందో చూడాలి. అయినా ఈ అందమైన భామలందరూ కూడా ఇలాంటి పెళ్లైన మగాళ్లనే ఎందుకు ఏరి కోరి మరి పెళ్లి చేసుకుంటారో అర్ధం కావడం లేదు. ఏదేమైనా... మీరా జీవితం ప్రస్తుతం ఓ సీరియల్ సాగుతుందని కోలీవుడ్ వర్గాల సమాచారం. మరి ఈ విషయంపై మీరాకు కష్టాలెప్పుడు తీరుతాయో, వీరి సర్టిఫికెట్ గొడవ ఇంకెంత కాలం కొనసాగుతుందో త్వరలోనే తెలియనుంది.