ఆవిడే మా ఆవిడ- నయనతారతో పాత ప్రియుడు!

Posted: 07/20/2014 11:54 AM IST

"ఇదు నమ్మాళ్" (ఆవిడే మా ఆవిడ) అనే టైటిల్ తో వస్తున్న తమిళ సినిమాలో శింబు, నయనతారలు జంటగా నటిస్తున్నారు.  ఇందులో విశేషమేముంది అని సినిమా ప్రియులెవరూ అనరు.  ఎందుకంటే వాళ్ళిద్దరి మధ్యా ఉన్న అన్యోన్యత ఏమిటో తెలుసు కాబట్టి.  

అరమరికలు లేకుండా తెరమీద సినిమా కోసం, తెర వెనుక తమకోసం ప్రేమను పండించుకున్నారన్న వార్తలు వాళ్ళిద్దరి మధ్య వచ్చి కూడా పది సంవత్సరాలైంది.  కానీ వాళ్ళిద్దరు మర్చిపోయినా సినీ ప్రేమికులు మర్చిపోలేదు.  పెదవుల పెనవేతలతో పాత్రలలో చక్కగా ఒదిగిపోయి నటించిన వాళ్ళిద్దరూ గొడవపడి విడిపోయి తిరిగి పది సంవత్సరాల తర్వాత కలిసి జంటగా నటించబోతున్నారంటే, ఇంతకాలం ఆనకట్ట వేసి వుంచిన వాళ్ళ ప్రేమ ఎలా కట్టలు తెంచుకుంటుందో అని  వాళ్ళిద్దరి లవ్ రెన్యూవల్ ని చూడటానికి ప్రేక్షకజనం ఉవ్విళ్ళూరుతోంది.  

ఒకసారి నటించిన జంట మరోసారి నటిస్తే వాళ్ళిద్దరి మధ్య కొత్తదనం పోయి అండర్ స్టాండింగ్ వస్తుందట.  అలాంటిది ప్రేమలో మునిగితేలిన జంటగా ప్రసిద్ధికెక్కిన ఈ జంట నటిస్తే అది నటనలా ఉండదని వాళ్ళని మళ్ళీ తెరమీద చూడటానికి తమిళ తంబీలు తెగ ఆరాటపడిపోతున్నారట.

ప్రేక్షకులను సినిమాకి రప్పించటానికి పబ్లిసిటీ చాలా అవసరం.  వచ్చిన తర్వాత అలరించటానికి తగ్గ కథ, కథనం, ఇతర మసాలాలు ఉంటే కొంతకాలం ఆడుతుందా సినిమా.  కానీ ఆ సినిమా మీద క్రేజ్ పుట్టించటమైతే అవసరమే.  అందుకు నిర్మాత దర్శకులు కొత్త కొత్త మార్గాలు ఎన్నుకుంటారు.  అందులో ఒక పద్ధతే ఇలా సినీ జంటలను నిర్ణయించటం. 

వాళ్ళిద్దరి మధ్య కెమిస్ట్రీ, ఫిజిక్స్ మాత్రమే కాకుండా ఇలా హిస్టరీ కూడా కలిస్తే నిర్మాతలకు పండగే మరి!

-శ్రీజ

ఆవిడే మా ఆవిడ