శృతి, రైనాలు పెళ్లి చేసుకోబోతున్నారా..?

Posted: 07/19/2014 12:11 PM IST

Suresh raina and sruthi hassan love affair

గతంలో సెక్సీ నటి శృతిహాసన్, భారత్ డ్యాషింగ్ క్రికెటర్ అయిన సురేష్ రైనాల మధ్య ప్రేమాయణం నడుస్తోందని వార్తలు షికార్లు చేశాయి. ఇద్దరు పీకల్లోతు ప్రేమలో మునిగితేలుతున్నారని.. త్వరలోనే వారు తమ పెళ్లి విషయాన్ని బయటపెట్టనున్నారనే నేపథ్యంలో... ఇద్దరు తమ మధ్య ఎటువంటి బంధం లేదంటూ ఆ వార్తల్ని కొట్టిపారేశారు. ‘‘మేమిద్దరం కేవలం మంచి ఫ్రెండ్స్ మాత్రమే! ఏదో అప్పుడప్పుడు సరదాగా వుండటం కోసం ఇలా కలుస్తుంటాం! దానిని మీరు ఇంత రాద్ధాంతం చేయాల్సిన అవసరం లేదంటూ’’ గుర్రుగా మీడియాకు స్పష్టం చేశారు.

అయితే తాజా వార్తల ప్రకారం వీరిద్దరూ ఘాఢంగా ప్రేమించుకుంటున్నారని కథనాలు వెలువడుతున్నాయి. ఎవరికీ తెలియకుండా రహస్యంగా కలుస్తున్నారని, ఫోన్ల సంభాషణల్లోనే తమ ప్రేమ వ్యవహారాన్ని నడుపుతున్నారని పుకార్లు షికార్లు చేస్తున్నాయి. వారిద్దరికీ సన్నిహితంగా వుండే కొంతమంది వ్యక్తులు వారిమధ్య వున్న బంధం గురించి ఇలా పెదవి విరుస్తున్నారు. త్వరలోనే వీరు అధికారికంగా తమ ప్రేమ వ్యవహారాన్ని బయటపెట్టబోతున్నట్టు తాజా సమాచారాలు వెలువడుతున్నాయి.

అయితే కొంతమంది విశ్లేషకులు మాత్రం వారిమధ్య ప్రేమ చిగురించి కేవలం కొద్ది కాలాలు మాత్రమే అవుతోందని.. అందుకే వారు దీనిని చాలా రహస్యంగా వుంచుకోవాలని అనుకుంటున్నారని చెబుతున్నారు. ఏవిధంగా అయితే అనుష్క శర్మ - విరాట్ కోహ్లీ తమ ప్రేమ వ్యవహారం గురించి ప్రపంచంతో పంచుకోవడానికి ఇష్టపడటం లేదో.. శృతి - సురేష్ రైనాలు కూడా తమ ప్రేమ విషయం గురించి ప్రపంచానికి తెలియకుండా జాగ్రత్తలు పాటిస్తున్నారని వీరి సన్నిహిత వర్గాలు తెలుపుతున్నాయి.

అలాగే శృతి, సురేష్ రైనాలు కూడా పర్సనల్ లైఫ్ ( ప్రేమ వ్యవహారం) మీద కంటే తమ కెరీర్ ని మెరుగుపరుచుకోవడంలోనే తమ దృష్టిని కేటాయిస్తున్నారని వారు పేర్కొంటున్నారు. శృతి హాసన్ ప్రస్తుతం అటు బాలీవుడ్ తోపాటు సౌత్ లో కూడా పలు సినిమాలతో బిజీగా వుండగా... సురేష్ రైనా కూడా క్రికెట్ మీద ఎక్కువ సమయాన్ని కేటాయిస్తూ తమ కెరీర్ ని మెరుగుపరుచుకుంటున్నారని సన్నిహిత వర్గాలు తెలుపుతున్నాయి. అయితే ఈ విషయం మీద ఇంకా శృతిహాసన్, సురేష్ రైనాల నుంచి ఎటువంటి స్పందన రాలేదు.