వర్మ ఐస్ క్రీమ్ తగ్గించాడు? రోడ్డునపడ్డ సిబ్బంది?

Posted: 07/18/2014 01:05 PM IST

Varma low budget in ice cream movie fire on movie workers

ప్రస్తుతం టాలీవుడ్ హిట్టైన సినిమాల్లో కూడా నిర్మాతలకు ఏమి మిగలటం లేదు. కోట్లాది రూపాయల బడ్జెట్ తో నిర్మాతకు భారంగా మారిపోయింది తెలుగుసినిమా. ఐస్ క్రీమ్ వర్మ బాగా తగ్గించాడు. .కేవలం రెండంటే రెండు లక్షలతో ఐస్ క్రీమ్ సినిమా తీసి టాలీవుడ్ లో సెన్సేషన్ క్రియేట్ చేశారు. .సంచలన దర్శకుడు రాంగోపాల్ వర్మ అసాధ్యాన్ని సుసాధ్యం చేశారు. తెలుగు సినిమా టెక్నిక్ ను సమూలంగా మార్చివేసిన వర్మ....తాజాగా తెలుగు సినిమా బడ్జెట్ ట్రెండ్ ను కూడా మార్చివేశారు.

టాలీవుడ్ లో వర్మ ప్రయోగం సక్సెస్ అయ్యిందని నిర్మాతలు చాలా ఆనందంగా ఉన్నారు. కేవలం రెండు లక్షల పదకొండు వేల రూపాయలతో ఐస్ క్రీమ్ సినిమాను తీశారు వర్మ. ముందు అందరం కలిసి పని చేద్దాం...సినిమా రిలీజ్ తర్వాత లాభాల్లో వాటా పంచుకుందాం అనే కాన్సెప్ట్ తో ఈ సినిమా తీశారు వర్మ.

ఐస్ క్రీమ్ షూటింగ్ లో రెగ్యులర్ గా వాడే లైట్లు,ట్రాలీలు,క్రేన్ లు,జిమ్మీజిప్ లు,స్టడీ క్యామ్ లు,హ్యారీ కెమెరాలు లాంటివి వాడలేదు. ఇవి వాడక పోవడం వల్ల చిత్ర బృందం సంఖ్య 90 శాతం తగ్గిపోయింది.కేవలం ఒకే ఒక ఫ్లోక్యామ్ కెమెరాతో ఐసీక్రీమ్ సినిమా షూటింగ్ ను ముగించారు వర్మ. షూటింగ్ వచ్చేముందు అందరు టిఫిన్ చేసి రావడం...మధ్యాహ్నాం కేరేజ్ తెచ్చుకోవడంతో ఖర్చు చాలా వరకు తగ్గిపోయింది. ఐస్ క్రీమ్ సినిమా షూటింగ్ చేసిన ఇంటి రెంట్...టీ,కాఫీ ఖర్చులు ఆ రెండు లక్షలు అయ్యిందని వర్మ తెలిపారు.

ఐస్ క్రీమ్ సినిమా టేబుల్ ప్రాఫిట్ తో రిలీజ్ అయ్యింది.ఐస్ క్రీమ్ లో తనకు రూపాయికి రూపాయి లాభం మిగిలిందని ఆ సినమా తీసిన రామసత్యనారాయణ ఆనందం వ్యక్తం చేస్తున్నారు. ముందు అనుకున్నట్టుగానే ఐస్ క్రీమ్ సక్సెస్ మీట్ లో చిత్రంలో పని చేసిన వ్యక్తులకు లాభాల్లో వాటా కింద పారితోషకాన్ని పంపిణీ చేశారు. జయాపజయాలు పక్కన పెడితే..చాలా విషయాల్లో టాలీవుడ్ కు రాంగోపాల్ వర్మ ట్రెండ్ సెట్ చేశారని విమర్శకులు భావిస్తున్నారు.

కానీ వర్మ బడ్జెట్ ప్రయోగం వల్ల .. సినిమాపై ఆధారపడి బతికే..చిన్న చిన్న కుటుంబాలు బాగా దెబ్బతిన్నాయి. నిర్మాతలకు బడ్జెట్ తగ్గించి, సినిమా షూటింగులకు పనిచేసే సిబ్బందికి అన్నం లేకుండా చేసాడని.. కొంతమంది సినీ ప్రముఖులు అంటున్నారు. వర్మ సినిమాషూటింగ్ అంటే.. సినిమా సిబ్బంది.. దూరంగా జరుగుతున్నారు. తినటానికి అన్నం ఉండదు.. లేబర్ చార్జీలు చాలా తక్కువుగా ఇస్తారనే ఫిలింనగర్లో పనిచేసి సిబ్బంది అంటున్నారు.

నిర్మాతలకు బడ్జెట్ తగ్గించటం అంటే.. సినిమా యూనిట్ సభ్యుల పొట్టకొట్టడం కాదు., హీరోలు, హీరోలన్లకు ఇచ్చే రెమ్యునరేషన్ , ఇతర ఖర్చులు కొంచెం తగ్గించుకుంటే, నిర్మాతలు సేప్ జోన్లో ఉంటారు. అంతేగానీ .. ‘‘ఏనుగులు పోయే దారిని వదిలిపెట్టి, చీమలు పోయే దారిని మూసినట్లుగా వర్మ ప్రయోగం ఉందని .. టాలీవుడ్ లోని సినిమా సిబ్బంది అంటున్నారు. ఇలాంటి ప్రయోగాలు ఎక్కువ రోజులు నిలబడవని టాలీవుడ్ టాక్. వర్మ కొంచెం ఆలోచించవయ్యా!!!!!