రామ్ చరణ్ కు తండ్రిగా నాగార్జున చేస్తాడా?

Posted: 02/11/2014 11:27 AM IST

టాలీవుడ్ మళ్లీ పాత విధానం అవలంబిస్తుంది.  సింగిల్  హీరో విధానం పై  నిర్మాతలు, దర్శకులు  అచితూచి అడుగులు వేస్తున్నారు.  ఇప్పుడు మల్టీస్టార్ సినిమా పై  టాలీవుడ్ పెద్దలు  మక్కువ పెంచుకుంటున్నారు.  అలాంటి కథలను ఎంపిక చేసుకుంటున్నారు.  కోట్లు ఖర్చు పెట్టి  సింగిల్ హీరోతో  చేసిన సినిమాలు ఇటీవల కాలంలో నిర్మాతల చేత కన్నీరు పెట్టించిన విషయం తెలిసిందే. 

అయితే  మల్టీస్టారర్  సినిమాలను చూసేందుకు  సినీ ప్రేక్షకులు మక్కువ చూపటంతో నిర్మాతలు, దర్శకుల  డైరెక్షన్  మారుతుంది.  మెగా పవర్ స్టార్  రామ్ చరణ్ తో  దర్శకుడు  కృష్ణవంశీ సినిమా చేస్తున్న విషయం తెలిసిందే. అయితే  ఈ సారి  దర్శకుడు  మల్టీస్టారర్ సినిమా కు తెరలేపాడు. ఈ సినిమాలో  శ్రీ‌కాంత్‌ని  తీసుకోవటానికి  దర్శకుడు సిద్దపడ్డారు. కానీ  చివరి నిమిషంలో  వెంక‌టేష్  పేరు తెరపైకి తేవటం  జరిగింది.  

అంతేకాకుండా  ఈ సినిమలో మరో స్టార్ హీరో ఉన్నాడని టాలీవుడ్ లో టాక్ నడుస్తుంది. ఆ స్టార్ నాగార్జునే అని టాక్‌. నాగార్జున‌ని తీసుకొంటే ఎలా ఉంటుంది??  అని చిత్రబృందం ఆలోచిస్తోంది. నాగార్జున కాక‌పోయినా ఎవ‌రో ఓ పేరున్న స్టార్ హీరో ఉండ‌డం ఖాయ‌మ‌ని తెలుస్తోంది. అదీ... చ‌ర‌ణ్ నాన్న పాత్రలో.   

అయితే   ఇప్పుడు  కొత్త సమస్య వచ్చింది.  రామ్ చరణ్ కు తండ్రిగా నాగార్జున ఒప్పుకుంటడా? అనే అనుమానం  చిత్ర దర్శకుడికి, నిర్మాతకు కలుగుతుందనే టాక్ వినిపిస్తుంది.ఒక‌వేళ నాగ్ ఒప్పుకోక‌పోతే బాలీవుడ్ క‌థానాయ‌కుడిని తీసుకురావాల‌న్న ప్రయ‌త్నాల్లో ఉన్నట్లు  ఫిలింనగర్ వాసులు అంటున్నారు.   

అయితే  నాగార్జున  - కృష్ణవంశీ మ‌ధ్య ఉన్న సంబంధాలు ఉన్న విషయం తెలిసిందే. అదీగాక కొత్తత‌ర‌హా క‌థ‌లంటే నాగార్జునకి ఉన్న ప్రేమ దృష్ట్యా ఈ పాత్రను  నాగార్జున త‌ప్పకుండా చేస్తార‌ని నమ్మకంతో దర్శకుడు ఆనందంగా ఉన్నట్లు టాలీవుడ్ సమాచారం.   ఒకవేళ నాగ్ ఒప్పుకుంటే..  సరికొత్త ప్రయోగానికి తెరతీసినట్లు అవుతుందని  ఫిలింనగర్ వాసులు అంటున్నారు. 

-ఆర్ఎస్