వ్యాపారవేత్త చేతిలో మోసపోయిన హాట్ నటి

Posted: 04/20/2015 06:15 PM IST

Actress bhuvaneswari cheated by businessman land dealing case

హాట్ పాత్రల్లో నటిస్తూ ప్రేక్షకులను కనువిందు చేసిన నటి భువనేశ్వరి.. అప్పుడప్పుడు వివాదాస్పదంగా మారుతూ వార్తల్లోకెక్కుతుంటుంది. ఈ నేపథ్యంలోనే తాజాగా ఈమె మరో వివాదాస్పద అంశంతో వార్తల్లోకెక్కింది. అప్పుడెప్పుడో తాను ఓ వ్యాపారవేత్త చేతిలో మోసపోయినట్లు కేసు పెడితే.. ఇప్పుడు అది మళ్లీ బయటికొచ్చి సంచలనంగా మారింది.

వివరాల్లోకి వెళ్తే.. నటి భువనేశ్వరి రెండేళ్ల క్రితం అన్నూరుకి చెందిన సుబ్రమణియన్ అనే వ్యాపారవేత్త తన స్థలాన్ని అక్రమంగా ఆక్రమించాడని పోలీసులకు ఫిర్యాదు చేసింది. అన్నూర్ గ్రామంలో తనకు సంబంధించి 64 సెంట్ల ప్రాపర్టీ వుందని... అందులో సగభాగాన్ని సుబ్రమణియన్ కొనడానికి ముందుకొచ్చాడని ఆమె పేర్కొంది. అయితే అగ్రిమెంట్ ప్రకారం సగ భాగాన్నే తాను అమ్మానని.. కానీ ఆ వ్యాపారవేత్త మాత్రం మొత్తం స్థలాన్ని కబ్జా చేసాడని భువనేశ్వరి తన ఫిర్యాదులో తెలిపింది. తాను అమ్మిన సగ భాగంతో పాటుగా, మరో సగ భాగంలో వున్న తన ఇల్లు, థియేటర్ లను కూడా ఫోర్జరీ డాక్యుమెంట్ లు తయారు చేసి సుబ్రమణియన్ ఆక్రమించుకున్నాడని ఆరోపించింది.

కానీ.. ఈ విషయంపై పోలీసులు అప్పుడు ఏమాత్రం స్పందించలేదు. అయితే.. భువనేశ్వరి మాత్రం పట్టు వదలకుండా తన సగభాగం స్థలాన్ని తిరిగి పొందేందుకు ప్రయత్నాలు ముమ్మరం చేస్తూ వచ్చింది. ఈ నేపథ్యంలోనే ఈమె సీరియస్ గా యాక్షన్ తీసుకోవడంతో.. తాజాగా పోలీసులు ఆ వ్యాపారవేత్తపై 420, 467, 468, 471 సెక్షన్ల కింద కేసు నమోదు చేశారు. ఆమె ఫిర్యాదు మేరకు విచారణ ప్రారంభించారు. మరి.. రెండేళ్ల నుంచి సాగిస్తున్న ఈ పోరాటంలో భువనేశ్వరికి ఎలాంటి న్యాయం జరుగనుందో వేచి చూడాల్సిందే!