ఏప్రిల్ లో రాంచరణ్ టర్బోమేఘ సేవలు

Posted: 02/17/2015 11:00 AM IST

Ram charan turbo megha to start from april

మెగాపవర్ స్టార్ రాంచరణ్ తేజ ఇటీవలే విమానయాన రంగంలోకి అడుగెట్టిన విషయం తెలిసిందే. ‘టర్బోమేఘ’ పేరుతో ఏవియేషన్ కంపెనీని గత ఏడాది జులైలో స్థాపించారు. ఇందులో వంకయలపాటి ఉమేష్ మేనేజింగ్ డైరెక్టర్ కాగా.. మరొక డైరెక్టర్ గా రాంచరణ్ వున్నారు. తన సొంత సంస్థకు చరణ్ బ్రాండ్ అంబాసిడర్ గా వ్యవహరించనున్నాడు.

గతంలో ఉమేష్ మాట్లాడుతూ... రాంచరణ్ మా సంస్థ బ్రాండ్ అంబాసిడర్ అని అతని ఇమేజ్ కి తగిన రీతిలో సేవలు అందిస్తామని అన్నారు. చెన్నై, బెంగళూరు, టుటికారిన్, మదురై, బెల్గాం, హుబ్లీ ప్రాంతాల మధ్య సర్వీసులను ప్రారంభించాలన్నది మా ప్రస్తుత ఆలోచన అని దీనికోసం 68 సీట్లుంటే క్యూ-400 బొంబార్డియర్ ఎయిర్ క్రాఫ్ట్‌లను సిద్ధం చేస్తున్నామని అన్నారు.

ఈ ‘టర్బోమేఘ’కు కేంద్ర రీజనల్ ఎయిర్ లైన్స్ నుంచి అనుమతి లభించింది. దీంతో ఏప్రిల్ నుంచి ‘టర్బోమేఘ’ సర్వీసులు ప్రారంభించడానికి సన్నాహాలు చేస్తున్నారు. తెలంగాణ, ఆంధ్రపదేశ్ రాష్ట్రాల నుంచి ఆధ్యాత్మిక ప్రదేశాలకు విమాన సేవలను అందించనున్నారు. త్వరలోనే అధికారికంగా ప్రకటించనున్నారు.