హన్సికకు చుట్టుకున్న ‘లిప్’ బ్యాక్టీరియా భయం..

Posted: 01/20/2015 03:51 PM IST

యాపిల్ బుగ్గల బొద్దుగుమ్మ హన్సికకు ఈమధ్య ఓ వింత భయం చుట్టుకుందట! అందుకే ఈ అమ్మడు తనదైన పద్ధతిలో దర్శకనిర్మాతలను తెగ టార్చర్ పెడుతోందని కోలీవుడ్ సమాచారం! ఇంతవరకూ ఏ స్టార్ హీరోయిన్ విధించని విధానాల ద్వారా యూనిట్ బృందానికి మూడుచెరువుల నీళ్లను తాగిస్తోందని అంటున్నారు. అసలు ఇంతకీ ఆ భయమేంటో తెలుసా..? అయితే మేటర్’లోకి వెళ్లాల్సిందే!

ప్రస్తుతం వస్తున్న సినిమాల్లో లిప్’లాక్ సన్నివేశాలు చాలా కామన్ అయిన సంగతి తెలిసిందే! స్టార్ హీరోయిన్లు సైతం ఒకర్నొకరు పోటీపడుతూ ఎగబడిమరీ ముద్దాడుకుంటున్నారు. అయితే కొంతమంది తారలు సదరు సీన్లలో నటించేందుకు భారీ పారితోషికమే డిమాండ్ చేస్తారు. ఇప్పటివరకు ఎవరైతే లిప్’లాక్ సీన్లలో నటించారో.. వారంతా అందుకు అదనంగా ధనాన్ని ఆర్జించినవారే! అయితే ఇదే లిప్’లాక్ విషయంలో హన్సిక వ్యవహరిస్తున్న తీరు దర్శకనిర్మాతలకు టార్చర్’గా మారిందట! ఈ ముద్దు విషయంలో ఏ తార తెలుపని అభ్యంతరాలను ఈ అమ్మడు చెప్తూ కొత్త వితండవాదానికి తెర తీసిందని కోలీవుడ్ సమాచారం!

ఇటీవలకాలంలో అంతర్జాతీయ పత్రికల్లో లిప్’లాక్’పై ఓ విశ్లేషణ ఇచ్చారు. ఆ విశ్లేషణ ఏమిటంటే.. ముద్దువల్ల బ్యాక్టీరియాలు వ్యాప్తి చెందుతాయని కొన్ని కథనాలు వెలువడిన విషయం తెలిసిందే! ఆ బ్యాక్టీరియా వల్ల కొన్నిసార్లు ప్రమాదకరమైన వ్యాధులు సంక్రమించే అవకాశం వుందని కూడా ఓ పరిశీలనలో తేలినట్లు ఆయా వ్యాసాల్లో విశదీకరించారు. అదే వ్యాసాలను చదివిన హన్సికకు.. లిప్’లాక్’పై తెగ భయం ఏర్పడిందట! అందుకే.. ఎట్టిపరిస్థితుల్లోనూ తాను ముద్దు సన్నివేశాల్లో నటించనంటూ మొండికేస్తోందట! ప్రస్తుతం 7 సినిమాల్లో నటిస్తున్న ఈ అమ్మడు.. కొన్ని మూవీల్లో లిప్’లాక్ చేయాల్సి వుంది. కానీ.. ఈ ‘లిప్’ బ్యాక్టీరియా భయంతో చేయనంటూ వాదిస్తోందని కోలీవుడ్’లో ప్రచారాలు కొనసాగుతున్నాయి.

AS