శ్రియకి ఎన్ని హిట్లొచ్చినా.. కెరీర్ మాత్రం ఫట్టే!

Posted: 01/19/2015 10:51 AM IST

Sriya saran heroine career film industry news gossips

ఈమధ్య చిత్రపరిశ్రమలో యువతారల హవా ఎక్కువగా కొనసాగుతున్న నేపథ్యంలో సీనియర్ హీరోయిన్లకు అవకాశాలు లేకుండా పోయాయి. తమ అందచందాలను ఎంతగా ధారబోసినా కూడా ఈతరం నటీమణుల్లాగా ప్రేక్షకులను ఆకట్టుకోలేకపోవడంతో దర్శకనిర్మాతలు వారివైపు కన్నెత్తి కూడా చూడటం లేదు. అందుకే.. చిన్నాచితకా సినిమాలు, ఇతర పాత్రల్లో నటిస్తూ అడ్జస్ట్ అయిపోతున్నారు. అయినా కూడా తమకు ఆఫర్లు రాకపోతాయా..? అన్న చివరి ఆశతో ఇంకా ప్రయత్నాలు చేస్తూనే వున్నారు కొంతమంది సీనియర్ తారలు. అందులో శ్రియ శరన్ కూడా ఒకరు.

మూడుపదుల వయస్సు దాటినా కూడా ఇప్పటికీ సన్నజాజి నడుముతోబాటు తన అందాలను ఏమాత్రం చెరగనివ్వకుండా మెయింటేన్ చేస్తున్న శ్రియశరన్’కి గతకొన్నాళ్ల నుంచి అవకాశాలు కరువయ్యాయి. గతేడాది ‘మనం’తోబాటు ఈ ఏడాది ‘గోపాల గోపాల’ చిత్రాలతో భారీ సక్సెస్’ను అందుకున్నప్పటికీ.. ఆ రెండు మూవీలు ఈమె కెరీర్’కి అంతగా తోడ్పడలేదు. ‘మనం’లో నాగార్జునకు పెయిర్’గా నటించినందుకు అమ్మడికి మంచి మార్కులే పడ్డాయి.. కానీ అది ఆఫర్లను తెచ్చిపెట్టివ్వలేకపోయింది. ఇక ‘గోపాలా గోపాలా’లో వెంకీ భార్యగా నటించి తన నటనను నిరూపించుకుంది కానీ.. అందులో మిడిల్-ఏజ్డ్ వుమెన్’గా కనిపించడంతో ఆమెను హీరోయిన్’గా గుర్తించలేదు. అప్పుడప్పుడు ఫంక్షన్లలో తన హాట్ అందాలను చూపిస్తూ ఫోటోషూట్’లు ఇచ్చినా.. ఫలితం లేకుండా పోయింది. ఇప్పటికీ ఇండస్ట్రీలో ఆఫర్లు కోసం చక్కర్లు కొడుతూనే వుంది కానీ.. హీరోయిన్’గా మరోసారి తన ప్రతిభను నిరూపించుకోవడానికి తగ్గ అవకాశాలు ఒక్కటీ రావడం లేదు.

ఇక ఈమెలాగే త్రిష పరిస్థితి కూడా వుండేది. ఇటీవలే కన్నడ ‘దూకుడు’తో మంచి హిట్ అందుకున్న ఈ అమ్మడు.. బాలయ్యతో ‘లయన్’ చిత్రంలోనూ నటిస్తోంది. ఇంతేకాదు.. అజిత్’తోనూ మరో మూవీలో నటిస్తోంది. అయితే.. అవి తప్ప ఆమెకు మరే ఆఫర్లు లేవు. అందుకే.. తన కెరీర్ ఇంతటితోనే ముగిసిందని భావించిన అమ్మడు.. అప్పుడే పెళ్లి కార్యక్రమాల్లో మునిగిపోయింది. ఈనెల 23న నిశ్చితార్థం ఫిక్స్ కాగా, త్వరలోనే పెళ్లి తేదీ తేదీని ఖరారు చేసుకోబోతోంది. ఇక శ్రియ కూడా ఈమెలాగే పెళ్లి చేసుకుని సెటిల్ అయిపోతే బెటరేనని అందరూ సలహాలు ఇస్తున్నారట! మరి.. శ్రియ పెళ్లి ఎప్పుడు చేసుకుంటుందో..? ఈ వ్యవహారంపై తన వాదన ఎలా వుంటుందోనని అందరూ వెయిట్ చేస్తున్నట్లు సమాచారం!