ఇక పవన్ సినిమా ఉండదు

Posted: 12/15/2014 11:28 AM IST

Pawan kalyan trivikram combination movie cancelled

పవర్ స్టార్ అభిమానులకు ఇదో చేదువార్త. అభిమాన హీరోను త్రివిక్రమ్ సినిమాలో చూసుకోవాలన్న వారి కల నెరవేరేలా కన్పించటం లేదు. ప్రస్తుత పరిస్థితులు గమనిస్తే వీరి కాంబినేషన్ లో సినిమా రాదు అని తెలుస్తోంది. ఎవరికి వారు బిజీగా ఉండటం వల్లే కుదరటం లేదని గుసగుసలు విన్పిస్తున్నాయి. ప్రస్తుతం అల్లు అర్జున్ తో సినిమా చేస్తున్న త్రివిక్రమ్ శ్రీనివాస్., ఈ ప్రాజెక్టు పూర్తయితే 2015లో మహేష్ తో సినిమా చేసేందుకు సిద్దమవుతున్నాడు. ఆ తర్వాత మిగతా హీరోల మూవీలు లైన్ లో ఉన్నాయి.

అటు పవన్ కూడా ప్రస్తుతం ‘గోపాల గోపాల’ మూవీలో నటిస్తున్నాడు. ఈ మూవీ తర్వాత ‘గబ్బర్ సింగ్2’లో నటించాల్సి ఉంది. దీంతో పవన్ కు కూడా ఇప్పట్లో కుదరదు అని సన్నిహితులు చెప్తున్నారు. దీనికి తోడు ‘జనసేన’ పార్టీ వల్ల కూడా సినిమా చేసే అవకాశం పోతుంది అంటున్నారు. ఈ మద్యే పార్టీకి గుర్తింపు రావటంతో ‘జనసేన’ను విస్తృతపర్చాలని పవన్ భావిస్తున్నాడు. దీంతో కొద్దికాలం సినిమాలకు దూరం జరిగి తెలంగాణ, ఏపీల్లో పార్టీపై దృష్టిపెట్టే అవకాశం ఉంది.

త్రివిక్రమ్-పవన్ కాంబినేషన్ లో తెరకెక్కాల్సిన సినిమాకు ‘కోబలి’ అని పేరు పెట్టారు. పూర్తి రాయల సీమ నేపథ్యంగా సినిమా తెరకెక్కనుంది. ఈ మూవీని పవన్ నిర్మిస్తారని కూడా ప్రచారం జరిగింది. అయితే ఇప్పుడసలు సినిమానే ఉండదని చెప్తున్నారు. త్రివిక్రమ్ సినిమా చేయకపోయినా.., మిగతా సినిమాలైనా చేస్తాడా.. లేక పార్టీపైనే దృష్టిపెడతాడా.. చూడాలి.

కార్తిక్