ఎగిరి ఏకంగా పవన్ బుట్టలో పడింది

Posted: 11/25/2014 10:25 AM IST

ప్రస్తుతం టాలీవుడ్ ఇండస్ట్రీని ఊపేస్తున్న అందం రకుల్ ప్రీత్ సింగ్. వచ్చినవి మూడు సినిమాలే అయినా.., రెండు సూపర్ హిట్ కావటంతో అమ్మడికి తెగ  ఆఫర్లు వస్తున్నాయి. తొలి హిట్ వల్ల మంచి పేరు వచ్చి ‘కిక్2’ వంటి ప్రాజెక్టుల్లో హీరోయిన్ గా ఎంపిక అయింది. ఇండస్ట్రీలో సినిమా చాన్సుల కోసం చాలామంది భామలు ఎదురుచూస్తుండగా, రకుల్ కు మాత్రం అవకాశాలు వెతుక్కుంటూ వస్తున్నాయి. ఫిలింనగర్ వర్గాల తాజా సమాచారం ప్రకారం, ‘గబ్బర్ సింగ్2’ సినిమాలో కూడా ఈ అమ్మడికి చాన్స్ వచ్చినట్లు తెలుస్తోంది.  

‘గబ్బర్ సింగ్2’ మూవీలో అనీషా అంబ్రోస్ హీరోయిన్ గా  ఎంపికైన విషయం తెలిసిందే. గ్లామర్ రోల్ కోసం మరో హీరోయిన్ ను ఎంపిక చేస్తారని కొద్ది రోజులుగా ప్రచారం జరుగుతోంది. ఇది నిజమే అనేట్లుగా.. రకుల్ ప్రీత్ కు పవన్ యూనిట్ నుంచి ఫోన్ వచ్చినట్లు ఫిలింనగర్ వర్గాలు అనుకుంటున్నాయి. పవన్ సినిమా కావటంతో రకుల్ ఒప్పుకోవటం ఖాయమని తెలుస్తోంది. అయితే కాల్షీట్ల వ్యవహారం తేలాల్సిఉంది. ఎందుకంటే ప్రస్తుతం ఈ అమ్మడు మూడు ప్రాజెక్టులకు సైన్ చేసింది. వీటిలో ముఖ్యమైనది రవితేజ నటిస్తున్న ‘కిక్2’. ఈ ప్రాజెక్టుతో పాటు మరో రెండింటిలో నటిస్తున్న రకుల్, పవన్ కోసం వీటిని ఎలా సర్దుబాటు చేసుకుంటుందో.

పవన్ స్వయంగా రాసుకున్న ‘గబ్బర్ సింగ్2’ కథను కే.ఎస్.రవీంద్ర డైరెక్ట్ చేస్తుండగా.., శరత్ మరార్ నిర్మిస్తున్నారు. డిసెంబర్ లో ఈ మూవీ షూటింగ్ ప్రారంభం కానుంది. దేవిశ్రీ ప్రసాద్ ఈ సినిమాకు సంగీతం అందిస్తున్నారు. ప్రస్తుతం ‘గోపాల గోపాల’లో నటిస్తున్న పవన్ ఈ సినిమా షూటింగ్ పూర్తి కాగానే ‘గబ్బర్ సింగ్ 2’ సెట్స్ లోకి వెళ్ళనున్నాడు. వచ్చే ఏడాది వేసవిలో ఈ మూవీ విడదల అవుతుందని సమాచారం.

 

కార్తిక్