త్రివిక్రమ్ ను భరించలేకే బయటకు వచ్చింది

Posted: 10/30/2014 04:57 PM IST

టాప్ హీరో, టాప్ డైరెక్టర్ తో ఛాన్స్ అంటే అంతా ఎగిరి గంతేస్తారు. సినిమాలో వారు ఎలా చెప్తే అలా చేయటానికి సిద్ధంగా ఉంటారు. కాని ప్రణిత మాత్రం చేజేతులా వచ్చిన అవకాశాన్ని చేజార్చుకుంది అని తెలుస్తోంది. అల్లు అర్జున్-త్రివిక్రమ్ కాంబినేషన్ లో సినిమా వస్తున్న విషయం తెలిసిందే. ఇందులో ముగ్గురు హీరోయిన్లు ఉన్నారన్న విషయం కూడా తెలిసిందే. ఈ మద్యే మూడవ హీరోయిన్ ప్లేస్ లో నిత్య రీప్లేస్ అయిందన్న విషయం కూడా మీకు తెలిసిందే. అయితే ప్రణిత ఎందుకు  వెళ్ళిపోయింది అన్న విషయం తెలియదు కదా.. అదే మీకు చెప్పబోతున్నాం.

విశ్వసనీయ వర్గాల సమాచారం ప్రకారం..., సినిమాలో బన్నీ- ప్రణిత మద్య ఉండే కొన్ని సీన్లు షూట్ చేశారట. ఈ సందర్బంగా ఓ రోజు ఎలా తయారై రావాలో త్రివిక్రమ్ ముందుగానే ప్రణితకు చెప్పి పంపించాడు. కానీ పాపం పాపకు ఎందుకు కుదర్లేదు. దీంతో మామూలుగానే, అంటే డైరెక్టర్ చెప్పందానికి పూర్తి భిన్నంగా వచ్చిందట. ఆమెను చూసిన త్రివిక్రమ్ ఇదేమిటి ఇలా వచ్చారు..? చెప్పింది చేయటం లేదు...? ఈ పద్దతేం బాలేదు అని సీరియస్ అయ్యాడని తెలిసింది. ఇలా అందరిముందు కోప్పడటంతో ప్రణిత ఫీల్ అయిందట. నాకెందుకు అసలిదంతా... ఆయనెవరు నన్ను తిట్టడానికి అనుకుని, ఈ సినిమానే చేయను అని డిసైడ్ అయి ప్రాజెక్టు నుంచి బయటకు వెళ్ళిపోతున్నట్లు ప్రకటించిందని టాక్.

ఇలా ఈగో హర్ట్ అయి ప్రణిత వెళ్ళి పోవటంతో హడావుడిగా పొట్టి భామ నిత్య మీనన్ ను తీసుకొచ్చి మూడవ హీరోయిన్ సీటు ఇచ్చేశారు అని చెప్తున్నారు. త్రివిక్రమ్ బ్లాక్ బస్టర్ ‘అత్తారింటికి దారేది’ సినిమాలో ప్రణిత సూపర్ గా నటించటంతో ఏరికోరి అమ్మడిని తీసుకున్నాడట. అయితే ఇవేవి పట్టించుకోకుండా.. గుర్తుంచుకోకుండా ఆయనేదో ఫైర్ అయ్యాడని.., ఈమె కూడా ఫైర్ విల్ బి ఫైర్ అంటూ వెళ్ళిపోయింది. ఇలా జరగటం దురదృష్టకరం. కీలక మైన సన్నివేశాలు అన్నపుడు చెప్పింది చేయకుండా పైగా తిట్టాడు అని వెళ్ళిపోవటం ఎంతవరకు సమంజసం.

 

 

కార్తిక్