మహేష్-బాబు మద్య చిచ్చుపెట్టిన కేసీఆర్..?

Posted: 10/01/2014 08:52 AM IST

టాలీవుడ్ సూపర్ స్టార్ మహేష్ బాబు తో చంద్రబాబుకు చిన్న వివాదం ఏర్పడింది. సిని ఇండస్ర్టీలో ప్రిన్స్ గా పిలవబడుతున్న మహేష్ ప్రస్తుతం ఎన్నో కంపనీలకు బ్రాండ్ అంబాసిడర్ గా ఉన్నాడు. ఆయనకు ఉన్న క్రేజ్ తో త్వరలోనే ఏపికి కూడా ఆయనే బ్రాండ్ అంబాసిడర్ అవుతారని అంతా అనుకున్నారు. దీనిపై ఊహాగానాలు కూడా వచ్చాయి. గల్లా జయదేవ్ ఇందుకోసం వెనక నుంచి బాగా ప్రయత్నించారని బోగట్టా. ఇందుకు సూపర్ స్టార్ ఫ్యామిలి కూడా ఓకే చెప్పిందని తెలిసింది. అయితే ఇప్పుడు వారి ఆశలు అడియాశలయ్యాయి. ఏపీ బ్రాండ్ అంబాసిడర్ మహేష్ కాదు అని తేలిపోయింది.

తెలంగాణ బ్రాండ్ అంబాసిడర్ గా టెన్నిస్ స్టార్ సానియాను ప్రకటించటంతో..,  ఏపికి బ్రాండ్ అంబాసిడర్ గా అంతే క్రేజ్ ఉన్న మహేష్ ను ప్రకటిస్తారు అని అంతా అనుకున్నారు. కాని ఏపీకి తానే బ్రాండ్ అంబాసిడర్ గా ఉంటానని ముఖ్యమంత్రి చంద్రబాబు ప్రకటించారు. కొత్తగా అంబాసిడర్లు తమ రాష్ర్టానికి అవసరం లేదన్నారు. లేక్ వ్యూ గెస్ట్ హౌజ్ లో సోమవారం రోజు ఎలక్ట్రానిక్ మీడియా సంపాదకులు, సీఈఓలకు బాబు విందు ఇచ్చారు. ఈ సందర్బంగా రాష్ర్టానికి పాపులారిటీ తెచ్చేందుకు బ్రాండ్ అంబాసిడర్ అంశం ప్రస్తావనకు రాగా.., బాబు సమాధానం ఇచ్చారు.

అయితే ఒకే సామాజిక వర్గం, ప్రజల్లో క్రేజ్ ఉన్న మహేష్ ను చంద్రబాబు పక్కనబెట్టేయటానికి కేసీఆర్ కారణం అని గుసగుసలు విన్పిస్తున్నాయి. అదెలా అంటే.., తెలంగాణ ఏర్పడ్డ తర్వాత సూపర్ స్టార్ కృష్ణ కేసీఆర్ కు కాస్త సానుకూలంగా మారారు. ఆయనకు అనుకూలంగా పలు ప్రకటనలు కూడా చేశారు. అటు ఈ మద్య తెలంగాణ చిత్ర పరిశ్రమ ఏర్పాటు గురించి ప్రస్తావించిన కేసీఆర్.., మండలిలో కృష్ణ సభ్యుడుగా ఉంటారని ప్రకటించారు. అంటే కృష్ణ ఫ్యామిలీతో తెలంగాణ ప్రభుత్వానికి సానుకూల సంబంధాలు ఉన్నాయన్నమాట. ఇవాళ కృష్ణ ఉంటే రేపు ఆయన తనయుడు ప్రిన్స్ కూడా ఇదే వైఖరి పాటిస్తాడని ఏపీ ప్రభుత్వం భావించి ఉండవచ్చు. అందువల్లనే తెలంగాణ వైపుగా ఉన్న సూపర్ స్టార్ ఫ్యామిలీని దూరంగా పెట్టారు అన్పిస్తోంది.

 

కార్తిక్