చిరు 150వ సినిమాలో సన్ని లియోన్ ?

Posted: 09/02/2014 05:35 PM IST

Sunny leone to act in chiranjeevi s 150th movie

టాలీవుడ్ పై సన్ని లియోన్ కన్నేసింది. ఇప్పటికే మంచు మనోజ్ తో ఓ సినిమాలో డ్యాన్స్ చే్స్తున్న లియోన్.., తన స్థానం పదిలం చేసుకునేందుకు కుస్తీలు పడుతోంది. ఏకంగా చిరు సినిమాపై తన బాణం ఎక్కుపెట్టింది. మెగాస్టార్ 150వ సినిమాలో ఛాన్స కొట్టేసేందుకు ప్రయత్నాలు మొదలు పెట్టింది. 150వ సినిమాలో నటించే అవకాశం ఇవ్వాలని దర్శకుడు వీవీ వినాయక్ ను సన్నీ అడిగినట్లు సమాచారం వస్తోంది. అయితే హీరోయిన్ గా కాదు.. ఏదైనా స్పెషల్ క్యారెక్టర్. సమ్ థింగ్ స్పెషల్అయిన సన్నీ.., స్పెషల్ క్యారెక్టర్ అయితేనే బాగుంటుందని అలా డిసైడ్ అయిందట. అయితే సన్నీ సినిమా ఛాన్స్ ఇంకా కన్ ఫర్మ్ కాలేదు.

మెగాస్టా్ 150వ సినిమాకు డైరెక్టర్లు కధలు సిద్ధం చేసుకుంటున్నారు. ఇప్పటికే పలువురు దర్శకులు కధలు విన్పించగా కొందరిని పక్కనబెట్టినట్లు తెలుస్తోంది. చిరు సినిమాకు కథలను సిద్ధం చేసుకున్నవారిలో వి.వి.వినాయక్ ముందు వరుసలో ఉన్నారు. దీంతో తాము చిరు వెంట కన్పించేలా వరం ఇవ్వాలని వినాయక్ చుట్టూ హీరోయిన్లు తిరుగుతున్నారని టాక్. అవకాశం కోసం ప్రణీత, శ్రేయ ప్రయత్నాలు ముమ్మరం చేసినట్లు తెలుస్తోంది. చిరుతో ఠాగూర్ హిట్ రికార్డు శ్రేయకు ఉంది. అదే విధంగా ప్రస్తుతం టాలీవుడ్ లో ప్రణీత మంచి గుర్తింపున్న హీరోయిన్.

ఇక టబు కూడా 150వ సినిమాపై ఆశ పెట్టుకున్నట్లు ఫిలింనగర్ వర్గాల సమాచారం అయితే ఈమెది కూడా హీరోయిన్ కోసం పోరాటమా లేక.., ప్రత్యేక పాత్ర కోసం ఆరాటమా అనేది డైరెక్టర్ కే తెలియాలి. ఇంతమంది చిరంజీవి సినిమాపై ఆశలు పెట్టుకున్నారు. అటు కధలు సిద్ధం చేసుకున్న డైరెక్టర్లు కూడా చాలా మందే ఉన్నారు. మరి వీరిలో చిరుని ఎవరు మెప్పిస్తారో. ఏ హీరోయిన్ బంపర్ ఛాన్స్ కొట్టేస్తుందో చూడాలి.

కార్తిక్