జీవిత షాక్... ప్రభుదేవా రాక్

Posted: 08/02/2014 04:19 PM IST

రాజశేఖర్, చిరంజీవిలకి వ్యక్తిగతంగా వైరాలు ఉన్నాయన్నది ఫిల్మ్ నగర్ లో వినిపిస్తున్న టాక్. అయితే వీళ్లిద్దరి మధ్య కోల్డ్ వార్ ఇంకా జరుగుతుందని తాజాగా నిరూపితమయ్యింది. ప్రముఖ దర్శకుడు కె.రాఘవేంద్రరావు ‘సౌందర్యలహరి’ కార్యక్రమంలో ప్రతి వారం కొంతమంది తారలు అతిథులుగా విచ్చేస్తున్న విషయం అందరికి తెలిసిందే. అయితే ఈ కార్యక్రమంలో తాజాగా జీవిత రాజశేఖర్ దంపతులతో పాటుగా, దర్శకుడు, కొరియోగ్రాఫర్ అయినటువంటి ప్రభుదేవా కూడా పాల్గొన్నారు.

ఈ కార్యక్రమంలో ప్రభుదేవాను జీవిత కొన్ని ప్రశ్నలు అడిగింది. ప్రభు చెప్పిన సమాధానాలు జీవితకు షాక్ కొట్టినట్లుగా అయ్యింది. ఈ కార్యక్రమంలో జీవిత ప్రభుదేవాను కొన్ని ప్రశ్నలు అడుగుతూ... ‘మీకు ఇండియన్ ఫిల్మ్ ఇండస్ట్రీలో నచ్చిన డాన్సర్ ఎవరు?' అని జీవిత అడిగిన ప్రశ్నకు ప్రభుదేవా సమాధానం ఇస్తూ.. ‘చిరంజీవి నా ఫేవరెట్ డాన్సర్’ అంటూ చెప్పాడు.   అప్పటి దాకా సరదాగా కబుర్లు చెప్పిన జీవిత, చిరంజీవి మాట ప్రభుదేవా నోటి వెంట రాగానే... జీవిత ఫేస్ లో ఆ సరదా అనేది పోయినట్లుగా అనిపించింది.

కానీ అదే కార్యక్రమంలో రాజశేఖర్ ను జీవిత... ‘మీరు మల్టీస్టారర్ సినిమా చేయాల్సివస్తే ఎవరితో చేస్తారు?’ అనే ప్రశ్న అడగగా.... దీనికి సమాధానంగా రాజశేఖర్... చిరంజీవి అని టక్కున చెప్పేస్తాడు. మరి రాజశేఖరేమో చిరంజీవితో నటిస్తాను అంటున్నాడు... జీవితేమో ఇలా కంగారు పడుతోంది. అంటే చిరు అంటే ఇష్టంలేనిది జీవితకు మాత్రమేనా? ఏమో త్వరలోనే జనాలకు తెలియనుంది.