చివరి ఘట్టానికి చేరిన బ్లాక్ బ్యూటీ ప్రియమణి ?

Posted: 07/29/2014 11:48 AM IST

తెలుగులో సినిమాలు లేక బాలీవుడ్ లో షారుక్ తో కలిసి ‘1234 అంటూ...’ ఐటెం సాంగ్ లో నటించింది బ్లాక్ బ్యూటీ ప్రియమణి. ఆ సినిమా విజయం సాధించినప్పటికీ కూడా ఈ అమ్మడికి సరైన అవకాశాలు రావడం లేదు. కనీసం ఐటెం సాంగు ఆఫర్లు కూడా రావట్లేదట. తెలుగు, హిందీ బాషలలో ఒక్క సినిమా ఆఫర్ కూడా రావట్లేదు. దీంతో ఈ అమ్మడు కన్నడకు చెక్కేసింది. అక్కడ మొన్నటివరకు తన దగ్గరకు వచ్చిన ప్రతి చిన్న సినిమా ఆఫర్లను సైతం అంగీకరించిన ఈ అమ్మడు.... ప్రస్తుతం తన దగ్గరకు వచ్చిన ప్రతి సినిమా ఆఫర్లను వదులుకుంటుందని తెలిసింది. దీనికి గల కారణం.. ఈ అమ్మడు ప్రస్తుతం ప్రేమలో మునిగితేలుతుందని తెలిసింది.

గతకొద్దికాలం నుంచి ప్రియమణి కోలీవుడ్ కి చెందిన ఓ టాప్ డైరెక్టర్ తో డేటింగ్ చేస్తున్నట్లుగా కోలీవుడ్ లో వార్తలు వస్తున్నాయి. తాజాగా వీరిద్దరి వ్యవహారం బయటపడిందని అంటున్నారు. ఓ ప్రైవేట్ టూర్ కి వెళ్ళిన వీరిద్దరూ, దానికి సంబంధించిన కొన్ని ఫోటోలు బయటపడటంతో కోలీవుడ్ లో హాట్ టాపిక్ గా మారింది. దీంతో ఈ అమ్మడిపై కోలీవుడ్ లో రకరకాల వార్తలు వినిపిస్తున్నాయి.

ఆఫర్స్ ఏమి లేకపోవడంతో ప్రియమణి హ్యాపీగా ఇలా ప్రియుడితో కలిసి ఇలా ఎంజాయ్ చేస్తుందని అంటున్నారు. తనకు వద్దకు వచ్చే ఎలాంటి సినిమా ఆఫర్లనైనా కూడా వద్దనుకొని... సినిమా చేయనంటూ తెగేసి చెబుతోందని తెలిసింది. ఇదిలా ఉంటే కోలీవుడ్ కి చెందిన ఓ ఛానెల్ ప్రియమణితో ఓ టాక్ షో నిర్వహించడానికి చర్ఛలు జరుపుతుంది. ఫైనల్ గా ప్రియమణి ఆ టాక్ షోలో కనిపించే అవకాశం ఉందని అంటున్నారు. ఆ టాక్ షోకి ప్రియమణి తీసుకునే రెమ్యునరేషన్ కూడా చాలా తక్కువే అని కోలీవుడ్ టాక్. మరి ప్రేమలో మునిగితేలుతున్న ఈ అమ్మడు కావాలనే ఇలా సినిమాలకు దూరమవుతుందని కోలీవుడ్ టాక్.