రాత్రి షూటింగులో కాలు జారింది

Posted: 08/31/2013 12:53 PM IST

ఇండస్ట్రీలోకి అడుగు పెడుతూనే పవర్ స్టార్ సరసన ‘కొమరం పులి ’ సినిమాలో నటించిన నికీషా పటేల్ ఆ సినిమాలో మోతాదుకు మించి అందాలు ఆరబోసి పవన్ కన్నా ఎక్కువ క్రెడిట్ కొట్టేయాలని చూసింది. కానీ అది బొడిసి కొట్టడమే కాకుండా ఈమెకు అవకాశాలు ఇచ్చేవారు కరవయ్యారు. ఈ మధ్యనే కళ్యాణ్ రామ్ కనికరించి ‘ఓం ’  త్రిడీ సినిమాలో అవకాశం ఇచ్చాడు. తొలిసారి త్రీడీ యాక్షన్ సినిమా వచ్చిన ఈ సినిమా కూడా నికీషాకు ఎటువంటి గుర్తింపు తీసుకురాలేదు. దీంతో ఇక లాభం లేదనుకొని తమిళ సినిమాలో ఐటెం గాళ్ అవతారం ఎత్తింది. తెలుగులో వచ్చిన సూపర్ హిట్ సినిమా ‘అలామొదలైంది ’ రీమేక్ లో ఈ అమ్మడు ఐటెం సాంగ్ చేస్తుంది. ఈ సాంగ్ కోసం కొరియోగ్రాఫర్ సల్సా డాన్స్ ని కంపోజ్ చేశాడు. ఈ సినిమా షూటింగ్ రాత్రి వేళల్లో చేస్తున్నారు. ఇప్పటి సల్సా డాన్స్ అలవాటు లేని నికీషాకు రాత్రి వేళల్లో షూటింగ్ చేసే సరికి పట్టుతప్పి కాలు జారిందట. దీంతో వెంటనే అమ్మడును ఆసుపత్రికి తరలించి చికిత్స అందించారట. డాక్టర్ ఈమెకు రెస్టు కావాలని చెప్పడంతో ప్రస్తుతం షూటింగ్ కి విరామం ఇచ్చారట.