Posted: 03/14/2013 04:54 PM IST

అందాల నటి కుష్బు ఏదో ఒక వార్తతో నిత్యం వార్తల్లో నిలుస్తుంటుంది. ఆ మధ్యన పెళ్లికి ముందు సెక్స్ లో పాల్గొంటే తప్పులేదనే స్టేట్ మెంట్ ఇచ్చి దేశవ్యాప్తంగా సంచలనం స్రుష్టించిన విషయం తెలిసిందే. మొన్నటికి మొన్న దేవుని బొమ్మలు ఉన్న చీర కట్టి హైలెట్ అయింది. ఇక ఇప్పుడు ఈమె పై మరో వార్త సంచరిస్తుంది తమిళనాడు రాజకీయ వర్గాల్లో. ప్రస్తుతం డీఎంకే పార్టీలో ఉన్న కుష్బూ త్వరలో కాంగ్రెస్ పార్టీలో చేరబోతుందని, దానికి కేంద్ర పర్యాటక శాఖ మంత్రి, మెగాస్టార్ చిరంజీవి లాబీయింగ్ చేస్తున్నారని, ఆమె కోసం ప్రత్యేకంగా అధిష్టానంతో మాట్లాడారని అక్కడి మీడియా కోడై కూస్తుంది. ఈ వార్తల పై కుష్భూ స్వయంగా స్పందించి అలాంటిది ఏమీ లేదని చెప్పడంతో నిప్పులపై నీళ్లు చల్లినట్లైయింది. కానీ కొందరు మాత్రం చిరంజీవి కాంగ్రెస్ ని తమిళనాడులో కూడా బలపర్చేందుకు కుష్బూను కాంగ్రెస్ లోకి లాగేందుకే ఇంత చొరవ చూపిస్తున్నాడని అనుకుంటున్నారు. కుష్బూ కోసం చిరంజీవి పాకులాడటం చూస్తుంటే.... పార్టీ కోసం చిరు ఏవిధంగా పనిచేస్తున్నాడో మనం అర్థం చేసుకోవచ్చు.