ఫిల్మ్ స్టార్స్ తో క్రికెట్ మ్యాచ్ ని ఏర్పాటు చేయడం ... అందు నిమిత్తం వచ్చిన డబ్బుని ఓ మంచి పని కోసం ఉపయోగించడం వంటి సేవా కార్యక్రమాలు నిర్వహించడం ఆనవాయతీగా వస్తున్నదే. సామాజిక సేవలో భాగంగా ఈ మధ్య  అనంతపూర్ లో స్టార్ క్రికెట్ మ్యాచ్ ని నిర్వహించిన సంగతి తెలిసిందే. టాలీవుడ్ స్టార్స్ అసోసియేషన్ ... విజేతా గ్రూప్స్ వారు సంయుక్తంగా ఇప్పుడు ఇదే కార్యక్రమాన్ని విశాఖపట్నంలో ఏర్పాటు చేస్తున్నారు. ఈ సందర్భంగా  నిర్వాహకులు మీడియాతో మాట్లాడుతూ, జూలై 14 న వైజాగ్ లో స్టార్ క్రికెట్ మ్యాచ్ జరుగుతుందనీ ... ఇందులో రెండు జట్లు పాల్గొంటాయని చెప్పారు. వైజాగ్ లో డాక్టర్ వై.ఎస్.రాజశేఖర్ రెడ్డి ACA - VDCA క్రికెట్ స్టేడియంలో ఈ మ్యాచ్ జరుగుతుందని అన్నారు. ఒక జట్టుకు శ్రీకాంత్, మరో జట్టుకు తరుణ్ ప్రాతినిధ్యం వహిస్తారనీ ... ఈ మ్యాచ్ నుంచి వచ్చే డబ్బుని అనాథ శరణాలయానికి ... వృద్ధుల శరణాలయానికి విరాళంగా అందజేయడం జరుగుతుంది.

...avnk