పవన్ ‘ఆరడుగుల బుల్లెట్ ’ సినిమా టైటిల్ గా

Posted: 07/27/2013 10:47 AM IST

టాలీవుడ్ లో ప్రస్తుతం పవన్ కళ్యాణ్ మేనియా నడుస్తుంది. అతనికి కానీ, అతని సినిమాకు కానీ ఉండే క్రేజే వేరు. ఇక ఆయన సినిమా వస్తుందంటే అభిమానులకే కాకుండా, దర్శకులకు కూడా పండగే. ఎందుకంటే ఆయన సినిమాల్లోని పాటలను సినిమా టైటిళ్ళుగా పెట్టుకోవచ్చిని. ఇప్పటికే ఆయన నటించిన గబ్బర్ సింగ్ సినిమాలోని పాటల్లో ‘కెవ్వుకేక ’ , ‘గుండె జారి గల్లంతయ్యిందే ’ లాంటి పదాలు సినిమా టైటిళ్ళుగా వచ్చి సూపర్ హిట్ అయ్యాయి. తాజాగా ఆయన నటించిన ‘అత్తారింటికి దారేది ’ సినిమాలోని మొదటి పాటలోని ‘ఆరడుగుల బుల్లెట్టు ’ అనే పదాన్ని ఓ దర్శకుడు సినిమా పేరుగా రిజిస్టర్ చేశాడని టాలీవుడ్ వర్గాల సమాచారం. ఇప్పటికే ఈ పాట జనాల్లో విశేష ఆదరణ పొందింది. ఇదే సినిమా టైటిల్ గా పెడితే సినిమాకు క్రేజ్ వస్తుందని భావించే ఇలా రిజిష్టర్ చేయించాడని అంటున్నారు. పవన్ వ్యక్తిగతంగా కాకుండా, ఇలా టైటిళ్ళతో పలువురికి సహాయ పడుతున్నాడని అంటున్నారు సినీ జనాలు. అయితే ఈ సినిమాలో హీరో ఎవరనేది ఖరారు కాలేదు. ఒకవేళ పవనే అయితే.... ?