pawan kalyan wishes Chiranjeevi in a emotional tweet స్పూర్తి ప్రధాతకు జన్మదిన శుభాకాంక్షలు: పవన్ కల్యాణ్..

Pawan kalyan wishes chiranjeevi in a emotional tweet on his birthday

pawan kalyan emotional tweet on chiranjeevi birthday, chiranjeevi pawan kalyan tweet, chiranjeevi pawan kalyan janasena, pawan kalyan, janasena, megastar Chiranjeevi, megastar Chiranjeevi, Chjranjeevi birthday, chiranjeevi birthday celebrations, Tollywood

JanaSena president and powerstar Pawan Kalyan has conveyed his wishes to Megastar Chiranjeevi on his birthday in an emotional tweet. Powerstar says chiranjeevi is inspiration for many in the state like him, and he is the man with human values.

అన్నయ్య పుట్టినరోజున తమ్ముడి భావోద్వేగ శుభాకాంక్షలు

Posted: 08/22/2019 10:54 AM IST
Pawan kalyan wishes chiranjeevi in a emotional tweet on his birthday

మెగాస్టార్ చిరంజీవి పుట్టినరోజు (ఆగష్టు 22) సందర్భంగా.. ఆయన సోదరుడు, జనసేన అధినేత పవన్ కళ్యాణ్ శుభాకాంక్షలు తెలిపారు. తనతో పాటు రాష్ట్రంలోనే అనేకానేకులకు స్ఫూర్తిప్రదాత నిలిచిన అన్నయ్య చిరంజీవికి ఆయన అభినందనలు తెలిపారు. తన సోదరుడు చిరంజీవి జన్మదినం.. అభిమానులందరికీ పండుగ రోజని పవన్ పేర్కొన్నారు. చిరంజీవి అంటే కేవలం మెగాస్టార్‌ మాత్రమే కాదు, మూర్తీభవించిన స్ఫూర్తి, మానవతా విలువలున్న నిజమైన మనిషని అన్నయ్యపై ప్రశంసలు గుప్పించారు. అబ్దుల్‌ కలాం చెప్పినట్లుగా 'పెద్ద కలలు కనడం, ఆ కలలను సాకారం చేసుకునేందుకు కష్టపడటం' అనే జీవన వేదానికి చిరంజీవి ప్రస్థానం నిదర్శనమని పవన్ వ్యాఖ్యానించారు.

కలలు సాకారమై, శిఖరాలను అధిరోహించిన తర్వాత.. నిగర్వంగా, నిరాడంబరంగా ఉండటం.. తన మూలాలను మరచిపోని స్పృహతో ఉండటం.. లాంటి జీవన విలువలకు చిరంజీవి ప్రతీక అని పవన్ ప్రశంసలు గుప్పించారు. చిరంజీవి.. తానే ఒక సందోహం... తన జీవితమొక సందేశమంటూ కవితాత్మకంగా వర్ణించారు. ఆ సందేశాన్ని అందిపుచ్చుకున్న లక్షల మంది యువతరంలో నేనొక పరమాణువును కావడం అదృష్టం. అంతకుమించి, ఆయన తమ్ముడిని కావడం దేవుడిచ్చిన వరమని పవన్ తెలిపారు.

‘‘అన్నయ్య నరసాపురంలో విద్యార్థిగా ఎన్‌సీసీలో ఉన్ననాటి నుంచి.. మద్రాసులో యాక్టింగ్‌ విద్యార్థిగా ఉన్న రోజుల నుంచి.. ఇవాళ్టి వరకు అదే ఉక్కు క్రమశిక్షణ. అదే స్థాయిలో అనితర సాధ్యమైన నేర్చుకునే తత్వం. అసామాన్యమైన తన ప్రస్థానంలో ఎన్నెన్ని ఎదురుదెబ్బలు, కుట్రలు, కుతంత్రాలు ఎదురైనా... పట్టుదలతో వాటిని తొక్కేసుకుంటూ.. ఉన్నత శిఖరాలకు ఎగబాకిన ధీరత్వం... చిరంజీవి సొంతం. ఆయన వేసే ప్రతి అడుగు ఆదర్శం, అనుసరణీయం’’ అని అన్నయ్యలోని సుగుణాలను పవన్ ఏకరువు పెట్టారు.

‘‘యావత్‌ భరతజాతి విస్మరించిన అస్తుత సమరాగ్రేసరుడు.. అగణ్య ధీరాగ్రీసరుడు ఉయ్యాలవాడ నరసింహారెడ్డి జీవితాన్ని... ఆసేతు హిమనగమూ భళీ భళీయని ప్రతిధ్వనించేలాగా... సైరా అంటూ సినీ ప్రియులకు కానుకగా అందిస్తున్న చిరంజీవి గారికి జన్మదినం సందర్భంగా నా తరపున, జనసైనికుల తరఫున హృదయపూర్వకంగా శుభాకాంక్షలు తెలియజేస్తున్నాను అని పవన్ కల్యాన్ భావోద్వేగం పోస్టును పెట్టారు. ఆయన ఇలాంటి పుట్టిన రోజులు మరిన్ని జరుపుకోవాలని అభిలాషించారు.

మెగాస్టార్ చిరంజీవి  జీవితం... మరింత మందికి ఎప్పటికి స్పూర్తిదాయకంగానే ఉండాలని కోరుకుంటున్నానని ఆయన పేర్కోన్నారు. ఆకాశం ఎప్పటికీ అలా నిశ్చలంగా, నిర్లిప్తంగా ఉంటుంది. కానీ దాని వలన గాలి అష్టదిక్కులకూ విస్తరిస్తుంది. చిరంజీవి గారు మౌనిగా, మునిగా సుస్థిరంగా ఉంటారు. ఆయన స్ఫూర్తి ఎప్పటికీ నవతరాలను తీర్చిదిద్దుతూనే ఉంటుంద’’ని అన్నయ్యకు తనదైన శైలిలో పవన్ బర్త్ డే విషెస్ అందించారు.

If you enjoyed this Post, Sign up for Newsletter

(And get your daily news straight to your inbox)

Other Articles

  • Chiranjeevi s sye raa pre release event postponed

    చిరంజీవి ‘సైరా’ ప్రీ-రిలీజ్ ఈవెంట్ మళ్లీ వాయిదా

    Sep 17 | తొలితరం తెలుగు స్వాతంత్ర్య సమరయోధుడు ఉయ్యాలవాడ నరసింహారెడ్డి జీవితకథ ఆధారంగా మెగాస్టార్ చిరంజీవి.. దర్శకుడు సురేందర్ రెడ్డి రూపోందిస్తున్న సైరా నరసింహారెడ్డి చిత్రం వచ్చే నెల 2 గాంధీ జయంతిని పురస్కరించుకుని విడుదల కానుంది.... Read more

  • Varun tej excelled in the role beyond expectations harish shankar

    వరుణ్ తేజ్ ‘వాల్మీకి’లో శ్రీదేవిలా పూజాహెగ్డే మెరుపులు

    Sep 17 | వరుణ్ తేజ్..  హరీష్ శంకర్ కాంబినేషన్‌లో 'వాల్మీకి' చిత్రం వస్తున్న విషయం తెలిసిందే. ఆ మధ్య రిలీజైన టీజర్‌, ట్రైలర్‌కు మంచి రెస్పాన్స్ కూడా వచ్చింది. గద్దలకొండ గణేష్‌కు జోడిగా శ్రీదేవిగా అలరించనుంది పూజా..... Read more

  • Chiranjeevi gives precious gift to amitabh bachchan

    బిగ్ బి అమితాబ్ బచ్చన్ కు చిరంజీవి విలువైన కానుక

    Sep 17 | చిత్ర పరిశ్రమ అంటే సినిమాలు, పారితోషికాలు, వసూళ్లే కాదు.. నటీనటుల మధ్య మంచి స్నేహం కూడా ఉంటుంది. ఇద్దరు అగ్రహీరోల మధ్య అలాంటి స్నేహబంధం పెనవేసుకోవడం చిత్రపరిశ్రమకు, దానిపై ఆధారపడిన వారికి శుభసూచకమే. అందుకు... Read more

  • Comedy track highlights in nithin bheeshma movie

    నితిన్ ’భీష్మ‘ మూవీలో ఆ ట్రాక్ హైలైట్

    Sep 12 | వెంకీ కుడుముల దర్శకత్వంలో నితిన్ కథానాయకుడిగా 'భీష్మ' రూపొందుతోంది. రష్మిక మందన కథానాయికగా నటిస్తోన్న ఈ సినిమాలో, హెబ్బా పటేల్ కీలకమైన పాత్రలో కనిపించనుంది. నెగెటివ్ షేడ్స్ తో కూడినదిగా ఆమె పాత్ర కనిపించనుందని... Read more

  • Issues erupt in maa again naresh issued showcause

    ‘మా’లో విభేదాలు.. నరేశ్ తప్పుకోవాల్సిందే..

    Sep 12 | మూవీ ఆర్టిస్ట్స్ అసోసియేషన్ (మా)లో విభేదాలు తారస్థాయికి చేరాయి. అధ్యక్షుడు నరేశ్, కార్యనిర్వాహక ఉపాధ్యక్షుడు రాజశేఖర్ ల మధ్య స్నేహం దెబ్బతినగా, రాజశేఖర్ వర్గం తీవ్రంగా స్పందించింది. నరేశ్ అధ్యక్ష పదవి నుంచి తప్పుకోవాలంటూ... Read more

Today on Telugu Wishesh