‘తెనాలి రామకృష్ణ’ బ్యూటీకి జన్మదిన శుభాకాంక్షలు..

Posted: 08/09/2019 07:02 PM IST

ఇటు దక్షిణాన తన సత్తా చాటుతూనే అటు బాలీవుడ్ లోనూ తన హావాను కొనసాగిస్తున్న హన్సిక చాలా రోజుల తర్వాత తెలుగులో నేరుగా నటిస్తున్న చిత్రం ‘తెనాలి రామకృష్ణుడు బి.ఎ. బీఎల్‌‌’. ‘కేసులు ఇవ్వండి ప్లీజ్‌’ అనేది ఉప శీర్షిక. సందీప్‌ కిషన్ కథానాయకుడిగా నటిస్తున్నారు. ఇవాళ హన్సిక పుట్టినరోజు. ఈ సందర్భంగా చిత్రబృందం సినిమాలోని హన్సిక లుక్‌ను విడుదల చేసింది. పోస్టర్‌లో హన్సిక చాలా స్టైల్‌గా కనిపించారు.

సినిమాలో హన్సిక లాయర్‌ పాత్రలో కనిపించనున్నారు. మరో కథానాయిక, తమిళ నటి వరలక్ష్మీ శరత్‌ కుమార్‌ ఈ చిత్రంతో తెలుగు ప్రేక్షకులకు పరిచయం కాబోతున్నారు. జి. నాగేశ్వరరెడ్డి ఈ చిత్రానికి దర్శకత్వం వహిస్తున్నారు. శ్రీ నీలకంఠేశ్వర స్వామి క్రియేషన్స్‌ పతాకంపై ఈ చిత్రాన్ని నిర్మిస్తున్నారు. పాటలు మినహా చిత్రీకరణ దాదాపు పూర్తైంది. ఈ ఏడాది చివరినాటికి ఈ సినిమాని ప్రేక్షకుల ముందుకు తెచ్చేందుకు చిత్రబృందం సన్నాహాలు చేస్తోంది.