పబ్లిక్ ప్లేస్ లో ప్రభాస్ కనబడితే.. ఫ్యాన్స్ రెస్పాన్స్ ఇంతే..!

Posted: 03/05/2019 08:41 PM IST

టాలీవుడ్ హీరో ప్రభాస్ కు శంషాబాద్ విమానాశ్రయంలో విచిత్రమైన అనుభవం ఎదురైంది. ఫ్యాన్స్ అన్న తర్వాత సినీతారలతో ఫొటోలకు ఉత్సాహం చూపించడం సాధారణమైన విషయమే అయినా ఒక్కోసారి వాళ్లు అత్యుత్సాహం చూపించి తారలను ఆశ్చర్యానికి గురిచేస్తుంటారు. ప్రభాస్ కూడా ఓ అభిమాని ఆనందం పట్టలేక చేసిన చర్యతో విస్మయానికి గురయ్యాడు. తాను ఏకంగా బాహుబలితో ఫోటో తీసుకున్న ఆనందంలో అభిమాని చేసిన చర్య సంచలనంగా మారింది.

శంషాబాద్ విమానాశ్రయంలో తన అసిస్టెంట్ తో కలిసి బయటికి వస్తున్న ప్రభాస్ ను చూసి ఓ యువతి, యువకుడు ఎంతో ఉద్విగ్నతకు గురయ్యారు. ముఖ్యంగా అ యువతి ప్రభాస్ ను చూడగానే ఆనందం పట్టలేకపోయింది. ఫుల్ హ్యాండ్స్ కాటన్ షర్ట్, హాఫ్ ప్యాంట్స్ తో ఉన్న ఆ యువతి పరుగున వెళ్లి ఫొటో ప్లీజ్ అనడంతో ప్రభాస్ ఒప్పుకున్నాడు. ఫోటో తీసుకున్న తరువాత ఆ యువతి.. తాను ప్రభాస్ తో ఫోటో దిగిన ఆనందంతో ఉబ్బితబ్బిబైంది.

 సంతోషంతో ఊగిపోతున్న ఆ యువతి ఏకంగా పైకి గెంతుతూ తన ఆనందాన్ని వ్యక్తం చేసింది. ఈలోగా తాను ప్రభాస్ ను టచ్ చేయాలన్న కోరిక పుట్టిందో ఏమో.. వెంటనే ఆ యువతి ప్రభాస్ చెంపపై సుతారంగా కొట్టింది. ప్రభాస్ ఆమె చర్యకు.. కొంత విస్మయం చెందిన ప్రభాస్ అభిమానులంటే ఇలాంటి వారూ వుంటారు అనుకున్నాడు. అంతలో ఆ యువతితో ఉన్న యువకుడు కూడా ప్రభాస్ తో ఫొటో దిగాడు. మొత్తానికి ఆ అమ్మాయి మాత్రం తనకు దక్కిన అదృష్టానికి విపరీతంగా పొంగిపోయింది. వాళ్లిద్దరే కాదు వాళ్ల స్నేహబృందంలోని మరికొందరు కూడా ప్రభాస్ తో గ్రూప్ ఫొటో దిగి పట్టలేని సంతోషం సొంతం చేసుకున్నారు.