‘సైరా’ నుంచి వీరారెడ్డి ఫస్ట్ లుక్..!

Posted: 02/12/2019 03:42 PM IST

మెగాస్టార్ చిరంజీవి హీరోగా సురేందర్ రెడ్డి దర్శకత్వంలో.. తొలితరం స్వాతంత్య్ర సమరయోధుడు ఉయ్యాలవాడ నరసింహారెడ్డి జీవితకథతో.. ఆయన స్వాతంత్ర్య సంగ్రామ స్పూర్తికి అద్దం పట్టేలా.. తన ప్రజల ప్రాణ రక్షణకోసం చేసిన యుద్దసన్నివేశాలతో ‘సైరా నరసింహారెడ్డి’ చిత్రం రూపొందుతున్న విషయం తెలిసిందే. మెగా పవర్ స్టార్ రామ్ చరణ్ నిర్మాణ సారథ్యంలో ఈ చిత్రం తెరకెక్కుతోంది. చిరు సరసన నయనతార కథానాయికగా నటిస్తోంది.
 
ఈ సినిమాలో అమితాబ్ బచ్చన్, జగపతిబాబు, విజయ్ సేతుపతి, బ్రహ్మాజీ తదితరులు కీలక పాత్ర పోషిస్తున్నారు. ఇక ఈ చిత్రంలో వీరారెడ్డి పాత్రలో విలక్షణ నటుడు జగపతి బాబు కూడా కీలక పాత్రను పోషిస్తున్నాడు. ఈ సందర్భంగా చిత్రంలోని ఆయన లుక్ ను, మోషన్ టీజర్ చిత్ర యూనిట్ విడుదల చేసింది. ఇక జగపతిబాబు పుట్టినరోజును పురస్కరించుకుని ఈ ఫస్ట్ లుక్, టీజర్లు విడుదల చేసినట్లు సమాచారం.

ఇదివరకు ఎప్పుడూ చూడని సరికొత్త గెటప్ లో జగ్గూభాయ్ కనిపిస్తున్నారు. పోడవాటి జుట్టూ, గడ్డం, మీసాలతో వినూత్నంగా కనిపిస్తున్నారు. ఇందులో జగపతిబాబు రెడ్డి రాజుగా నటిస్తున్నట్టు తెలుస్తుండగా, గుబురు గడ్డం, పొడవైన జుట్టు, తలపాగా, నుదుటన కుంకుమతో జగపతిబాబు 'అదుర్స్' అనేలా కనిపిస్తున్నారని ఫ్యాన్స్ కితాబిస్తున్నారు. వీరారెడ్డి పాత్రలో జగపతి బాబు ‘సైరా’లో కనిపించనున్నారు. ఈ సినిమా షూటింగ్ శరవేగంగా సాగుతోంది.