హాట్ టాఫిక్ గా రియల్ లైఫ్ పెయిర్ ‘మజలీ’

Posted: 12/24/2018 05:41 PM IST

Majili gives sam and chey a joint cheque of rs 6 5 cr

అక్కినేని కుటుంబానికి చెందిన యువ భార్యభర్తలు కలసి పెళ్లైన తరువాత హీరోహీరోయిన్లుగా నటిస్తున్న చిత్రం మజలీ ఇప్పుడు చర్చనీయాంశంగా మారింది. ఈ చిత్రం కన్నా.. చిత్ర టైటిల్ కన్నా ఈ రియల్ లైఫ్ పెయిర్, రీల్ లైఫ్ లో కూడా కలసి నటించడం అందుకు కారణమైంది. ఇటీవలే డెహ్రాడూన్, విశాఖ సహా పలు ప్రాంతాలలో ఈ సినిమాకి సంబంధించిన కీలకమైన సన్నివేశాలను చిత్రీకరించారు. ప్రస్తుతం ఈ సినిమా షూటింగ్ హైదరాబాద్ లో జరుగుతోంది. ప్రధాన పాత్రధారుల కాంబినేషన్లో కొన్ని కీలకమైన సన్నివేశాలను చిత్రీకరిస్తున్నారు.

ఈ నేపథ్యంలో ఈ సినిమాకి గాను సమంత ఎంత పారితోషికం తీసుకుంటోంది? చైతూకు ఎంత ముడుతోంది? అనే విషయంలో ఫిల్మ్ నగర్లో చర్చలు నడుస్తున్నాయి. ఎవరికి ఎంత అనే విషయంలో లెక్కలకి అవకాశం లేకుండగా, ఈ ఇద్దరూ కలిసి జాయింట్ రెమ్యునరేషన్ గా నిర్మాత నుంచి 6 కోట్ల 50 లక్షల రూపాయలను అందుకున్నట్టుగా తెలుస్తోంది. శివ నిర్వాణ దర్శకత్వం వహిస్తోన్న ఈ సినిమా ఇప్పటికే 50 శాతం చిత్రీకరణను పూర్తిచేసుకుంది. వేసవి సెలవుల్లో ఈ సినిమాను విడుదల చేయాలనే ఆలోచనలో వున్నారు.