నివేదా థామస్ డాన్సు అదుర్స్.. వీడియో వైరల్..

Posted: 11/27/2018 04:02 PM IST

క్యూట్‌ లుక్స్ తో, తన సహజ నటనతో కుర్ర హృదయాలను కొల్లగొట్టిన మలయాళ ముద్దుగుమ్మ నివేదా థామస్.‌. జెంటిల్ మెన్‌ సినిమాతో టాలీవుడ్ లోకి ఎంట్రీ ఇచ్చిన ఈ నటి నిన్నుకోరి, జై లవకుశలో నటించి మంచి గుర్తింపును తెచ్చుకున్నారు. అయితే ఆ మధ్య చదువు కోసం సినిమాలకు కాస్త గ్యాప్‌ ఇచ్చిన నివేదా.. ఇటీవలె పలు ప్రాజెక్టులతో బిజీ అయ్యారు. సోషల్‌ మీడియాలో యాక్టివ్‌గా ఉండే నివేదా.. తాజాగా ఓ వీడియోను పోస్ట్‌చేశారు.

ఇందులో నివేదా డ్యాన్స్‌కు ఫ్యాన్స్‌ ఫిదా అయిపోయారు. ప్రభుదేవా హీరోగా వచ్చిన గులేభకావలి సినిమాలోని సాంగ్‌కు.. నివేదా వేసిన స్టెప్స్‌ అదిరిపోయాయని అభిమానులు కామెంట్స్‌ పెడుతున్నారు. తన సోదరులతో కలిసి ఆడిన ఈ వీడియో ప్రస్తుతం వైరల్‌ అవుతోంది. ‘మీరు పార్టీని ఎలా ఎంజాయ్‌ చేస్తారు?.. మీ హీల్స్‌ను విసిరేయండి..వెళ్లి డ్యాన్స్‌చేయండి’ అంటూ కామెంట్‌తో పాటు వీడియోను పోస్ట్‌ చేశారు. నిఖిల్‌ హీరోగా చేస్తోన్న‘శ్వాస’ సినిమాలో నివేదా హీరోయిన్ గా నటిస్తున్నారు.