చిరంజీవి ‘సైరా’లో స్టైలిష్ స్టార్ అల్లు అర్జున్ కూడా..!

Posted: 11/20/2018 08:04 PM IST

మెగా పవర్ స్టార్ రామ్ చరణ్ నిర్మాణ సారథ్యంలో మెగాస్టార్ చిరంజీవి హీరోగా, బాలీవుడ్ మెగాస్టార్ అమితాబ్ బచ్చన్ ఓ కీలక పాత్రలో నటిస్తున్న చిత్రం ‘సైరా నరసింహారెడ్డి’. తొలితరం స్వతంత్ర్య సమరయోధుడు ఉయ్యాలవాడ నరసింహారెడ్డి జీవితకథ ఆధారంగా ఈ చిత్రం రూపొందుతున్న విషయం పాఠకులకు తెలిసిందే. తొలినాళ్లలో అంగ్లేయులను ఉయ్యాలవాడ ఎలా ఎదుర్కోన్నారు. భరత మాతకు విముక్తి కల్పించేందుకు ఆయన చేసిన పోరాటాల నేపథ్యంలో తెరకెక్కుతన్న చిత్రమిది.

ఈ సినిమా గురించి తాజాగా ఓ ఆసక్తికర వార్త ప్రస్తుతం వైరల్ అవుతోంది. ఈ చిత్రంలో స్టైలిష్ స్టార్ అల్లు అర్జున్ కూడా భాగస్వామి కాబోతున్నాడట. గుణశేఖర్ వినతి మేరకు రాణి రుద్రమదేవి చిత్రంలో కూడా బన్ని అతిథిపాత్ర పోషించి ప్రేక్షకులను అకట్టుకున్నారు. ఔనా ఆయన ఏ పాత్రను పోషిస్తున్నారు. అన్న ప్రశ్నలు కూడా బన్ని అభిమానుల నుంచి వ్యక్తమవుతున్నాయి. అయితే అభిమానులకు ఇక్కడే ఓ ట్విస్టు వుంది. ఈ చిత్రంలో బన్ని నటించడం లేదు కానీ ఆయన గొంతును వాడబోతున్నారని సమాచారం.
 
సైరా నరసింహా రెడ్డి సినిమా వాయిస్ ఓవర్ తో ప్రారంభం కాబోతోందని తెలుస్తోంది. ఈ వాయిస్ ఓవర్ ను బన్నీతో చెప్పిస్తారని తెలుస్తోంది. స్టైలిష్ స్టార్ వాయిస్ ఓవర్ ఇస్తే సినిమాకు ప్లస్ అవుతుందని.. డైరెక్టర్ సురేందర్ రెడ్డి భావిస్తున్నట్టు సమాచారం. దీనికి బన్నీ కూడా గ్రీన్ సిగ్నల్ ఇచ్చేసినట్టు తెలుస్తోంది. ఈ చిత్రంలో నయనతార, అమితాబ్ .. జగపతిబాబు .. సుదీప్ విజయ్ సేతుపతి తెలిపారు.